- 2022-06-27 03:07:03
- កីឡាផ្សេងៗ
NOCC បន្តភារកិច្ចចុះផ្សព្វផ្សាយតាមបណ្ដាខេត្តអំពីគុណតម្លៃអូឡាំពិក និងដំណើរឆ្ពោះទៅស៊ីហ្គេម
- 2022-06-27 03:07:03
- ចំនួនមតិ 0 | ចំនួនចែករំលែក 0
NOCC បន្តភារកិច្ចចុះផ្សព្វផ្សាយតាមបណ្ដាខេត្តអំពីគុណតម្លៃអូឡាំពិក និងដំណើរឆ្ពោះទៅស៊ីហ្គេម
ចន្លោះមិនឃើញ
គណៈកម្មាធិការជាតិអូឡាំពិកកម្ពុជាបន្តភារកិច្ចរបស់ខ្លួនចុះតាមបណ្ដាខេត្តដូចជាខេត្តកែបកាលពីពេលថ្មីៗនេះដើម្បីផ្សព្វផ្សាយពីគុណតម្លៃអូឡាំពិក ឬ Olypic Day ដល់មហាជន រួមផ្សំផ្សាយពីដំណើរឆ្ពោះទៅស៊ីហ្គេម ២០២៣។
លោក ប៊ុយ សុភ័ណ្ឌ តំណាង NOCC និងជាអ្នករៀបចំកម្មវិធីខាងលើនេះបានឲ្យដឹងថា សម្រាប់ឆ្នាំ២០២២ នេះគឺបានចុះទៅខេត្តកែប ចំនួន២ថ្ងៃដែលមានសកម្មភាពជាច្រើនដូចជាចុះផ្សព្វផ្សាយអំពីគុណតម្លៃអូឡាំពិក ចលនាអូឡាំពិកដល់សិស្សប្រហែល៧០នាក់នៅវិទ្យាល័យចរិយាវង្ស។
ក្រៅតែពីផ្សព្វផ្សាយដល់ក្រុមសិស្សានុសិស្សហើយនោះគឺថ្ងៃបន្ទាប់ជាការជិះកង់ផងដែរ ដែលនេះជាការចុះផ្សព្វផ្សាយអំពីដំណើរឆ្ពោះទៅការប្រារព្ធព្រឹត្តិការណ៍ស៊ីហ្គេម លើកទី៣២ កម្ពុជាធ្វើជាម្ចាស់ផ្ទះ។ សកម្មភាពទាំងនេះគឺរំលឹកដល់ពលរដ្ឋថាកម្ពុជានឹងមានព្រឹត្តិការណ៍ដ៏សំខាន់ និងជាប្រវត្តិសាស្ត្រនៅឆ្នាំ ២០២៣។
បញ្ជាក់ដែរថា កម្មវិធីចុះទៅផ្សព្វផ្សាយនៅខេត្តកែប នេះធ្វើឡើងរយៈពេល២ថ្ងៃគឺចាប់ពីថ្ងៃទី២២ ដល់ ២៣ ខែមិថុនា ឆ្នាំ២០២២។ កម្មវិធីនេះដឹកនាំដោយលោក ប៊ុយ សុភ័ណ្ឌ តំណាង NOCC៕
