- 2022-06-16 07:35:06
- កីឡាផ្សេងៗ
ភូមិកីឡាសម្រាប់ស៊ីហ្គេម នៅមិនទាន់ប្រាកដថាអាចប្រើប្រាស់ទាំងស្រុង ឬយ៉ាងណាទេ
- 2022-06-16 07:35:06
- ចំនួនមតិ 0 | ចំនួនចែករំលែក 0
ភូមិកីឡាសម្រាប់ស៊ីហ្គេម នៅមិនទាន់ប្រាកដថាអាចប្រើប្រាស់ទាំងស្រុង ឬយ៉ាងណាទេ
ចន្លោះមិនឃើញ
ភូមិកីឡាដែលធ្វើសម្រាប់ដាក់កីឡាករ កីឡាការិនី ត្រៀមស៊ីហ្គេម ២០២៣ នៅមិនទាន់ប្រាកដអាចប្រើបានទាន់ស្រុង ១០០% នោះឡើយ ពោលចាំមើលការវាយតម្លៃអំឡុងខែក្រោយសិន។
អគ្គលេខាធិការ CAMSOC ឯកឧត្ដម វ៉ាត់ ចំរើន បានឲ្យដឹងថា ម្សិលមិញនេះឯកឧត្ដម ថោង ខុន រួមនិងមន្ត្រីមួយចំនួនទៀតបានចុះទៅពិនិត្យការដ្ឋានភូមិកីឡា ដែលកំពុងមមាញឹកសាងសង់ធ្វើម៉េចឲ្យទាន់ស៊ីហ្គេម។ ចំពោះសំណងរឹងគឺមើលឃើញថា សាងសង់ជិតរួចរាល់ទាំងស្រុងហើយ ដែលនេះជាការផ្ដល់សេចក្ដីសង្ឃឹមកាន់តែខ្ពស់ចំពោះផែនការ A និងជំរុញឲ្យពន្លឿនបន្ថែមទៀតលើសំណងខុនដូ។
តំណាងផ្នែកកីឡានៅកម្ពុជាខាងលើនេះបន្ថែមទៀតថា នៅខែក្រោយនេះខាងក្រុមហ៊ុន World Bride និងវិស្វករទាំងអស់គ្នាវាយតម្លៃម្ដងទៀត ថាផែនការទៅដល់កម្រិតណា ប្រើប្រាស់បានប៉ុណ្ណឹង ឬអត់ចំណោះខុនដូ។ អ្វីដែលខាង CAMSOC ចង់បានគឺពេលវេលាជាក់លាក់ដើម្បីទំនុកចិត្ត ១០០% ចំពោះការសាងសង់នេះ។ ប្រសិនបើយឺតយ៉ាវតើយឺតដល់កម្រិតណា តើខាងគណៈកម្មការសាងសង់អាចទទួលយកបាន ឬអត់ និងត្រូវធ្វើអ្វីបន្តទៀត។
ផ្នែកទទួលស្នាក់នៅនេះឯកឧត្ដម ថោង ខុន បានផ្ដល់អនុសាសន៍ឲ្យមានជាផែនការ A B C ផងដែរ ចំពោះករណីយឺតយ៉ាវ ឬខកខានផែនការណាមួយ និងត្រូវផ្លាស់ប្ដូរទៅផែនការបន្តបន្ទាប់ទៀត។
តាមគម្រោងកម្ពុជាត្រូវការឲ្យបាន ៣០០០-៤០០០គ្រែពីភូមិកីឡា ឬខុនដូ ដែលកំពុងសាងសង់នេះ។ មួយវិញទៀតតាមការសន្យារបស់ក្រុមហ៊ុន World Bride របស់ចិននេះត្រូវប្រគល់ជូន CAMSOC នៅខែមករា ឆ្នាំ២០២៣។ ២០២៣ ខាងមុខនេះកម្ពុជានឹងធ្វើជាម្ចាស់ផ្ទះកីឡាស៊ីហ្គេម លើកទី៣២៕
