/62a1ac185a1d4_1654762500_medium.jpg)
- 2022-06-09 08:23:28
- កីឡាផ្សេងៗ
CAMSOC៖ ប្រជុំអចិន្ត្រៃយ៍ព្រឹកមិញជំរុញនៅឆ្នាំ ២០២២ ឲ្យរួចរាល់កិច្ចការទាំងអស់
- 2022-06-09 08:23:28
- ចំនួនមតិ 0 | ចំនួនចែករំលែក 0
CAMSOC៖ ប្រជុំអចិន្ត្រៃយ៍ព្រឹកមិញជំរុញនៅឆ្នាំ ២០២២ ឲ្យរួចរាល់កិច្ចការទាំងអស់
ចន្លោះមិនឃើញ
គណៈកម្មការជាតិរៀបចំព្រឹត្តិការណ៍កីឡាអាស៊ីអាគ្នេយ៍ ឬ CAMSOC ព្រឹកមិញប្រជុំអចិន្ត្រៃយ៍ជាមួយគណៈកម្មការទាំង១៤ និងបារ៉ាឡាំពិកពិនិត្យវឌ្ឍនៈភាពការងារជាពិសេសជំរុញឲ្យបញ្ចប់ការងារផ្សេងៗនៅត្រឹមចុងឆ្នាំ ២០២២ នេះ។
អគ្គលេខាធិការ CAMSOC ឯកឧត្ដម វ៉ាត់ ចំរើន បានឲ្យដឹងថា ចាប់តាំងពីស៊ីហ្គេមវៀតណាមមកគឺទើបតែបើកកិច្ចប្រជុំនេះវិញទេ។ ក្នុងកិច្ចប្រជុំនេះដែរគឺជួបជាមួយគណៈកម្មការទាំង១៤ និងខាងបារ៉ាឡាំពិកដើម្បីពិនិត្យពីវឌ្ឍនភាពការងារនិមួយៗ និងបញ្ហាប្រឈមនានា។
ជាមួយគ្នានេះបញ្ហាប្រឈមធំៗជាច្រើនត្រូវបានដោះស្រាយទាំងការស្នាក់នៅ ហូបចុក ភូមិកីឡា និងកិច្ចការសំខាន់ៗមួយចំនួនទៀត។ ឯកឧត្ដម ថោង ខុន បានផ្ដល់អនុសាសន៍ដល់គណៈកម្មការនានាត្រូវធ្វើឲ្យរួចរាល់ទាំងអស់នៅចុងឆ្នាំ ២០២២ ដើម្បីដល់ឆ្នាំ ២០២៣ គឺសម្រាប់ការប្រកួតតែម្ដង។
រំលឹកដែរថា ព្រឹកមិញនេះគណៈកម្មការជាតិរៀបចំព្រឹត្តិការណ៍កីឡាអាស៊ីអាគ្នេយ៍ ឬ CAMSOC បើកកិច្ចប្រជុំប្រចាំសប្ដាហ៍របស់ខ្លួននៅ NOCC។ ឆ្នាំ២០២៣ កម្ពុជានឹងត្រូវធ្វើជាម្ចាស់ផ្ទះព្រឹត្តិការណ៍ស៊ីហ្គេម លើកទី៣២៕
