- 2022-05-18 01:58:56
- កីឡាផ្សេងៗ
ស៊ីន វង់៖ ខ្ញុំសម្រេចក្ដីបំណងឈ្នះមេដាយជូនជាតិហើយ
- 2022-05-18 01:58:56
- ចំនួនមតិ 0 | ចំនួនចែករំលែក 0
ស៊ីន វង់៖ ខ្ញុំសម្រេចក្ដីបំណងឈ្នះមេដាយជូនជាតិហើយ
ចន្លោះមិនឃើញ
កីឡាករឆ្នើម ស៊ីន វង់ ថាខ្លួនសប្បាយចិត្តណាស់ដែលសម្រេចក្ដីបំណងឈ្នះមេដាយមាសជូនប្រទេសជាតិក្នុងព្រឹត្តិការណ៍ស៊ីហ្គេម លើកទី៣១ ខាងកីឡាប៉េតង់នេះ។
ស៊ីន វង់ បានឲ្យដឹងថា ក្ដីស្រមៃធំបំផុតនោះគឺការឈ្នះមេដាយមាសជូនកម្ពុជា ឥលូវនេះរូបគេបានបំពេញក្កីស្រមៃនេះហើយកាលពីម្សិលមិញ។ រូបគេ និង វង ចន្ថា គឺមានទំនុកចិត្តខ្ពស់លើខ្លួនឯងដោយសារហ្វឹកហាត់បានល្អ និងលេងយល់ចិត្តគ្នា។
បន្ទាប់ពីឈ្នះ១-២ប្រកួតរួចមក ស៊ីន វង់ និង វង ចន្ថា ជឿជាក់លើខ្លួនឯងរឹតតែខ្លាំង និងបញ្ជាក់ថាបើបន្តលេងល្អបែបនេះទាំងចូល និងវាយគឺដឹងតែឈ្នះដៃគូបានមាសហើយ ណាមួយប៉ះក្រុមវៀតណាមក៏ធ្លាប់ឈ្នះក្នុងពូលរួចហើយដែរ។
រំលឹកដែរថា ម្សិលមិញនេះក្រុមប៉េតង់វិញ្ញាសា វាយគូបុរស-នារី កម្ពុជាឈ្នះមេដាយមាស១គ្រឿង បន្ទាប់ពីផ្ដួលម្ចាស់ផ្ទះវៀតណាមដោយលទ្ធផល ១៣-៤ នៃព្រឹត្តការណ៍ស៊ីហ្គេម លើកទី៣១។ បច្ចុប្បន្ននេះកីឡាប៊ូល និងប៉េតង់ឈ្នះមេដាយមាស១ ប្រាក់១ និងសំរឹទ្ធ៣ ក្នុងព្រឹត្តិការណ៍ប្រចាំតំបន់អាស៊ាននេះ៕
