- 2022-04-04 09:13:32
- កីឡាផ្សេងៗ
សហព័ន្ធទាញព្រ័ត្រ លើកទឹកចិត្តឲ្យមហាជនលេងកីឡាប្រជាប្រិយនេះក្នុងឱកាសបុណ្យទាន
- 2022-04-04 09:13:32
- ចំនួនមតិ 0 | ចំនួនចែករំលែក 0
សហព័ន្ធទាញព្រ័ត្រ លើកទឹកចិត្តឲ្យមហាជនលេងកីឡាប្រជាប្រិយនេះក្នុងឱកាសបុណ្យទាន
ចន្លោះមិនឃើញ
ឯកឧត្ដម មាស សារិន ប្រធានសហព័ន្ធទាញព្រ័ត្រកម្ពុជា លើកទឹកចិត្តដល់មហាជននានាឲ្យលេងល្បែងទាញព្រ័ត្រកម្សាន្តជាពិសេសក្នុងឱកាសបុណ្យទានបែបប្រពៃណីដូចជាពិធីចូលឆ្នាំថ្មីនេះជាដើម។
ថ្លែងក្នុងមហាសន្និបាតវិសាមញ្ញព្រឹកមិញនេះ ប្រធានសហព័ន្ធទាញព្រ័ត្រថា កីឡាទាញព្រ័ត្រនេះគឺមានយូរណាស់មកហើយជាកីឡាប្រពៃណីមួយផងដែរ។ ខណៈដែលស្រុកមានសង្គ្រាមពីមុនៗគឺគេយកល្បែងទាញព្រ័ត្រនេះទៅដាក់តាមវត្តអារាមនានាបានជាបន្សល់មកដល់សព្វថ្ងៃ។
កាលពីជំនាន់មុនៗល្បែងទាញព្រ័ត្រនេះត្រូវបានលេងច្រើនតាមវត្តអារាមជាពិសេសបុណ្យទានធំៗតែម្ដង ដូច្នេះឯកឧត្ដមអំពាវនាវដល់មហាជនគួរបន្តលេងល្បែងទាញព្រ័ត្រនេះដើម្បីថែរក្សា លើកស្ទួយប្រភេទកីឡាមួយនេះឲ្យពេញនិយម និងឆ្ពោះទៅរកស៊ីហ្គេម ២០២៣ ផងដែរ។
រំលឹកដែរថា ព្រឹកមិញនេះសហព័ន្ធកីឡាទាញព្រ័ត្រកម្ពុជា បានធ្វើមហាសន្និបាតវិសាមញ្ញរបស់ខ្លួននៅគណៈកម្មាធិការជាតិអូឡាំពិកកម្ពុជា (NOCC) បូកសរុបការងារឆ្នាំ២០២១ និងលើកទិសដៅ ២០២២៕
