T Y Media នឹងចូលរួមក្នុងការអភិវឌ្ឍន៍កីឡាអេឡិចត្រូនិកនៅកម្ពុជា

2022-01-10 07:23:06
កីឡាផ្សេងៗ

2022-01-10 07:23:06
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ធី វាយ ថាមានគោលបំណងធំធេងណាស់ក្នុងការចូលរួមអភិវឌ្ឍន៍សមត្ថភាពកីឡាករ ឬកីឡាអេឡិចត្រូនិកនៅកម្ពុជាសំខាន់មានការគាំទ្រពីប្រិយមិត្តក៏ដូចជាសហព័ន្ធផ្ទាល់តែម្ដងនៅពេលបន្តបន្ទាប់ខាងមុខ។

លោក លន់ សាមឌី (អគ្គលេខាធិការ E Sports) ស្ដាំ

តំណាងក្រុមហ៊ុន T Y Media បានលើកឡើងថា ការរៀបចំការប្រកួតវិញ្ញាសា Mobile Legend T.Y Media E-Champion រដូវកាលទី១នេះប្រសិនបើមានការគាំទ្រច្រើន និងសហព័ន្ធទទួលយកបានចំពោះការរៀបចំនោះនឹងមានជាការប្រកួតបន្តបន្ទាប់ថែមទៀត។ ដែលការប្រកួតនេះអាចនឹងឈានដល់កម្រិតពិភពលោកថែមទៀតផង។

លោក ធី វាយ បន្ថែមទៀតថាគោលបំណងក្នុងការរៀបចំការប្រកួត Mobile Legend T.Y Media E-Champion គឺជាការចូលរួមក្នុងការពង្រឹងសមត្ថភាពកីឡាករ កីឡាការិនី បង្កើនបទពិសោធប្រកួតនានាដើម្បីឈានទៅដល់កម្រិតអន្តរជាតិជាពិសេសត្រៀមសម្រាប់ស៊ីហ្គេម ២០២៣ កម្ពុជាធ្វើជាម្ចាស់ផ្ទះជាដើម។

ទិដ្ឋភាពសន្និសីទសារព័ត៌មាន

ការប្រកួតពានរង្វាន់ Mobile Legend T.Y Media E-Champion រដូវកាលទី១ នេះនឹងធ្វើឡើងចាប់ពីថ្ងៃទី១០ ខែកុម្ភៈ ដល់ ថ្ងៃទី៣ ខែមេសា ២០២២ នៅរាជធានីភ្នំពេញ។ ក្រុមជាប់លេខ១ នឹងទទួលបានប្រាក់រង្វាន់ ៥០លានរៀល ក្រុមជាប់លេខ២ ទទួលបានប្រាក់រង្វាន់ ២៥លានរៀល ក្រុមជាប់លេខ៣ ទទួលបានប្រាក់រង្វាន់ ១៥លានរៀល ក្រុមជាប់លេខ៤ ទទួលបានប្រាក់រង្វាន់ ៤លានរៀល។ ចំពោះក្រុមដែលមិនបានឡើងទៅវគ្គបន្តនឹងទទួលបានប្រាក់លើកទឹកចិត្ត ១ ៥០០ ០០០រៀលផងដែរ៕