• 2022-01-06 03:17:06
  • កីឡា​ផ្សេង​ៗ

សហព័ន្ធ​តេក្វាន់ដូ​ ITF៖​ ការ​លើក​ឡើង​ពី​ ITF​ របស់​សម្ដេច​តេជោ​ ជា​ការ​ជំរុញ​កម្លាំង​ចិត្ត​រឹតតែ​មោះមុត​ដល់​កីឡាករ​

  • 2022-01-06 03:17:06
  • ចំនួនមតិ 0 | ចំនួនចែករំលែក 0

ចន្លោះមិនឃើញ

អគ្គលេខាធិការ​សហព័ន្ធ​កីឡា​តេក្វាន់ដូ​ ITF​ ថា​ការ​តែងតែ​លើក​ឡើង​ពី​ឈ្មោះ​ ITF​ របស់​សម្ដេច​តេជោ​ និង​ថ្នាក់​ដឹកនាំ​កីឡា​ផ្សេងៗ​គឺ​ជា​ការ​ជំរុញ​ទឹកចិត្ត​ដល់​ក្រុម​កីឡាករ​ កីឡា​ការិនី​ រឹតតែ​មាន​កម្លាំង​ចិត្ត​ក្នុង​ការហាត់​ត្រៀម​យក​មេដាយ​ជូន​ជាតិ​មាតុភូមិ។​

សម្ដេចតេជោ ប្រគល់ប្រាក់លើកទឹកចិត្តម្សិលមិញ

ឯកឧត្ដម​ បួនហ៊ីង​ សុធីយ៉ា​ អគ្គលេខាធិការ​សហព័ន្ធ​បាន​ឲ្យ​ដឹង​ថា​ ក្នុង​នាម​ជា​តំណាង​​ ITF​ គឺ​មាន​សេចក្ដី​ត្រេកអរ​ជា​ខ្លាំង​នៅ​ពេល​ដែល​ប្រមុខ​ថ្នាក់​ដឹកនាំ​សម្ដេច​តេជោ​ តែងតែ​លើក​ពី​ការ​ខំប្រឹង​ប្រែង​របស់​កីឡាករ​ កីឡា​ការិនី​ ជា​ពិសេស​សរសើរ​ពី​សមត្ថភាព​នា​ពេល​កន្លង​មក។​

សម្ដេចតេជោ ប្រគល់ប្រាក់លើកទឹកចិត្តម្សិលមិញ

គ្រូ​តេក្វាន់ដូ​ជើង​ចាស់​រូប​នេះ​បន្ថែម​ទៀត​ថា​ សូម​អរគុណ​ចំពោះ​ការ​សម្ដេច​ដែល​តែងតែ​យក​ចិត្ត​ទុកដាក់​លើក​ស្ទូយ​វិស័យ​កីឡា​មិន​ថា​ ITF​ ឬ​ប្រភេទ​កីឡា​ផ្សេងៗ​នោះ​ទេ។​ ឯកឧត្ដម​សម្ដែង​នូវ​ការ​ដឹងគុណ​ចំពោះ​ការ​គាំទ្រ​ពី​ប្រុមខ​រាជរដ្ឋាភិបាល​ និង​ CAMSOC NOCC​ ក្រសួង​អប់រំ​ យុវជន​ និង​កីឡា​ដែល​បាន​ដាក់​បញ្ចូល​ក្នុង​ការ​ប្រកួត​ស៊ីហ្គេម​ ២០២៣​ ខាង​មុខ។​ ការ​សរសើរ​ និង​លើក​ឡើង​របស់​សម្ដេច​គឺ​បាន​ធ្វើ​ឲ្យ​ក្រុម​តេក្វាន់ដូ ITF​ រឹតតែ​មាន​កម្លាំង​ចិត្ត​ រឹតតែ​មាន​ការ​ប្ដេជ្ញា​ចិត្ត​ខ្ពស់​ក្នុង​ការ​ហ្វឹកហាត់​ដើម្បី​សម្រេច​តាម​ផែនការ​ដណ្ដើម​មេដាយ​មាស​ ១៥​គ្រឿង​នៅ​ស៊ីហ្គេម​ ២០២៣​ ដែល​បាន​ដាក់​ជូន​មក។​

ឯកឧត្ដម កែវ រ៉េមី សម្ដែងកម្មវិធីកីឡាជាតិ(រូបភាព Kem Sovanna)

រំលឹក​ដែរ​ថា​ សហព័ន្ធ​តេក្វាន់ដូ​ ITF​ ជា​សហព័ន្ធ​កីឡា​ជាតិ​មួយ​ដែល​ចាត់ចូល​ជា​កីឡា​មាន​សក្ដានុពល​សម្រាប់​កម្ពុជា​ជា​ពិសេស​នៅ​ព្រឹត្តិការណ៍​ជា​ប្រវត្តិសាស្ត្រ​ស៊ីហ្គេម​ ឆ្នាំ​២០២៣​ ខាង​មុខ​នេះ។​ សហព័ន្ធ​នេះ​គឺ​តែងតែ​ដណ្ដើម​មេដាយ​ជា​ច្រើន​លើ​ឆាក​អន្តរជាតិ​ដូច​ជា​កម្រិត​អាស៊ី​ កម្រិត​ពិភពលោក​។ ចំពោះចំណាត់​ថ្នាក់​ពិភពលោក​ ឆ្នាំ​២០១៩​ គឺ​កម្ពុជា​ឈរ​លេខ​១១​ ចំណោម​ ៨៧​ប្រទេស។​ ចំណែក​ការ​ប្រកួត​ជើងឯក​អាស៊ី​ ឆ្នាំ​២០១៨​ នៅ​ម៉ុងហ្គោលី​ កម្ពុជា​ឈរ​លេខ២​ បន្ទាប់​ពី​ម្ចាស់​ក្បាច់​គុន​កូរ៉េ​ខាង​ជើង៕​

វីដេអូ៖

អត្ថបទ៖ នួន ស៊ីណា​

មតិយោបល់
អត្ថបទពេញនិយម