- 2022-01-01 08:47:12
- កីឡាផ្សេងៗ
កីឡាករ កីឡាការិនីជាង២០០០នាក់នឹងចូលរួមរត់ពាក់កណ្ដាលម៉ារ៉ាតុងអង្គរស្អែកនេះ
- 2022-01-01 08:47:12
- ចំនួនមតិ 0 | ចំនួនចែករំលែក 0
កីឡាករ កីឡាការិនីជាង២០០០នាក់នឹងចូលរួមរត់ពាក់កណ្ដាលម៉ារ៉ាតុងអង្គរស្អែកនេះ
ចន្លោះមិនឃើញ
នេះបើតាមការលើកឡើងរបស់លោក សែម ផល្លារ គណៈកម្មការរៀបចំព្រឹត្តិការណ៍រត់ប្រណាំងពាក់កណ្ដាលម៉ារ៉ាតុងអន្តរជាតិ ថានៅពេលនេះមានអ្នកចុះឈ្មោះប្រហែលជាង២០០០នាក់ ក្នុងនោះមានបរទេសខ្ទង់១០០នៅការប្រកួតស្អែកនេះ។
លោក សែម ផល្លារ បានលើកឡើងថា នៅពេលនេះក្រុមការងារគឺបានរៀបចំរួចរាល់ហើយសម្រាប់ការប្រកួតនៅព្រឹកស្អែកនេះក្នុងព្រឹត្តិការណ៍រត់ប្រណាំងពាក់កណ្ដាលម៉ារ៉ាតុងអង្គរ ដើមឆ្នាំ ២០២២។ អ្នកចូលរួមបានមកពិនិត្យឈ្មោះ និងទទួលបានស្លាកលេខជាបន្តបន្ទាប់។
អ្នកជំនាញរៀបចំព្រឹត្តិការណ៍កីឡាធំៗខាងលើនេះបន្ថែមទៀតថា អ្នកចូលរួមភាគច្រើនជាខ្មែរប្រហែល២០០០នាក់។ ចំណែកបរទេសមានខ្ទង់១០០នាក់ជាអ្នកកំពុងបម្រើការងារនៅក្នុងប្រទេសកម្ពុជា។ កម្ពុជាជាប្រទេសអាស៊ីទី១ហើយដែលបានរៀបចំព្រឹត្តិការណ៍ម៉ារ៉ាតុងអន្តរជាតិនេះឡើង ខណៈប្រទេសដទៃទៀតក្នុងតំបន់មិនទាន់អាចរៀបចំបានឡើយទាក់ទងនិងបញ្ហាប្រឈមដោយសារតែជំងឺកូវីដនេះឯង។
ព្រឹត្តិការណ៍នេះគឺពិតជាមានសារសំខាន់ និងជាផ្នែកមួយក្នុងការចូលរួមស្ដារសេដ្ឋកិច្ចឡើងវិញក្រោយកម្ពុជាក៏ដូចជាពិភពលោកត្រូវផ្អាកសកម្មភាពព្រោះតែជំងឺកាចសាហាវមួយនេះ។ នេះជាសញ្ញាណល្អសម្រាប់កម្ពុជាឆ្ពោះទៅរកភាពល្អប្រសើរគ្រប់អាជីវកម្ម និងចរន្តទេសចរណ៍ផ្សេងៗ។
រំលឹកដែរថា ព្រឹត្តិការណ៍រត់ប្រណាំងពាក់កណ្ដាលម៉ារ៉ាតុងអង្គរ លើកទី២៦ នេះនឹងធ្វើឡើងនៅព្រឹកថ្ងៃទី២ ខែមករា ឆ្នាំ២០២២ នៅក្នុងខេត្តសៀមរាប។ ចំពោះវិញ្ញាសារួមមាន 21 km Wheel Chair, 21 (Half Marathon), 10 Km, 10 Km Artificial Arm/Leg, 05 Km, 03 Km Fun Run (Open)៕
