- 2021-11-20 06:10:29
- កីឡាផ្សេងៗ
អបអរសាទរ! កម្ពុជាឈានមួយកម្រិតទៀតហើយនឹងធ្វើម្ចាស់ផ្ទះកីឡាអូឡាំពិកយុវជនអាស៊ី
- 2021-11-20 06:10:29
- ចំនួនមតិ 0 | ចំនួនចែករំលែក 0
អបអរសាទរ! កម្ពុជាឈានមួយកម្រិតទៀតហើយនឹងធ្វើម្ចាស់ផ្ទះកីឡាអូឡាំពិកយុវជនអាស៊ី
ចន្លោះមិនឃើញ
ដំណឹងល្អសម្រាប់កម្ពុជា នៅឆ្នាំ២០២៩ ខាងមុខនេះនឹងធ្វើជាម្ចាស់ផ្ទះព្រឹត្តិការណ៍កីឡាអូឡាំពិកយុវជនអាស៊ី (Asian Youth Games) ដែលមាន៤៥ប្រទេសចូលរួមប្រកួតប្រជែង។
ឯកឧត្ដម វ៉ាត់ ចំរើន អគ្គលេខាធិការ NOCC បានឲ្យដឹងថា គណៈប្រតិភូដែលដឹកនាំដោយឯកឧត្ដម ថោង ខុន រួមជាមួយឯកឧត្ដម ឃួង ស្រេង អភិបាលក្រុងភ្នំពេញ ឯកឧត្ដម អ៊ុក សិទ្ធជាតិ តំណាងក្រសួងអប់រំ យុវជន និងកីឡា បានធ្វើដំណើរចូលរួមកិច្ចប្រជុំមហាសន្និបាតក្រុមប្រឹក្សាអូឡាំពិកអាស៊ី លើកទី៤០ និងជាការចុះហត្ថលេខាទទួលធ្វើជាម្ចាស់ផ្ទះព្រឹត្តិការណ៍កីឡាអូឡាំពិកយុវជនអាស៊ី (Asian Youth Games) នៅប្រទេស Saudi Arabia ។
អ្នកជំនាញកីឡារូបនេះបន្ថែមទៀតថា នេះជាកំណត់ត្រាប្រវត្តិសាស្ត្រមួយរបស់កម្ពុជា និងជាមោទកភាពមួយផងដែរដែលបានប្រកួតប្រជែងក្លាយជាម្ចាស់ផ្ទះក្នុងព្រឹត្តិការណ៍ក៏ធំខាងលើ។ ការផ្ដល់សិទ្ធជាម្ចាស់ផ្ទះគឺដោយសារតែការខំប្រឹងប្រែងរបស់កម្ពុជា រួមផ្សំភាពរីកចម្រើនលើវិស័យហេដ្ឋារចនាសម្ព័ន្ធដែលសមស្របក្នុងការប្រារព្ធពិធីកីឡាធំៗផងដែរ។
រំលឹកដែរថា គណៈប្រតិភូរបស់កម្ពុជាដែលដឹកនាំដោយឯកឧត្ដម ថោង ខុន ប្រធាន NOCC នេះបានចេញដំណើរពីប្រទេសកម្ពុជាហើយព្រឹកមិញនេះឆ្ពោះទៅទីក្រុងឌូបៃ ប្រទេស Saudi Arabia ដើម្បីចូលរួមពិធីខាងលើ៕