- 2021-10-12 07:13:26
- កីឡាផ្សេងៗ
ការសម្ដែងពិធីបើកស៊ីហ្គេម ២០២៣ ប្រើមនុស្សខ្ទង់ ៥០០០-៧០០០នាក់ ៧០%ជាកងទ័ព
- 2021-10-12 07:13:26
- ចំនួនមតិ 0 | ចំនួនចែករំលែក 0
ការសម្ដែងពិធីបើកស៊ីហ្គេម ២០២៣ ប្រើមនុស្សខ្ទង់ ៥០០០-៧០០០នាក់ ៧០%ជាកងទ័ព
ចន្លោះមិនឃើញ
CAMSOC ការសម្ដែងក្នុងពិធីបើកស៊ីហ្គេម កម្ពុជាធ្វើម្ចាស់ផ្ទះអាចនឹងប្រើប្រាស់មនុស្សខ្ទង់ ៥០០០-៧០០០នាក់ ប្រហែល ៧០% គឺប្រើប្រាស់កម្លាំងកងទ័ពដើម្បីចូលរួមពិធីប្រវត្តិសាស្ត្រមួយនេះ។
នេះបើតាមឯកឧត្ដម វ៉ាត់ ចំរើន អគ្គលេខាធិការ CAMSOC បានលើកឡើងថា ចំពោះការសម្ដែងផ្សេងៗក្នុងពិធីបើកស៊ីហ្គេម ២០២៣ នេះគឺប្រើប្រាស់មនុស្សខ្ទង់ ៥០០០-៧០០០នាក់ដែលសរុបទាំងកម្លាំងកងទ័ពប្រហែល ៧០%។
ចំពោះការចាប់ផ្ដើមហ្វឹកហាត់សមវិញគឺអាចនឹងធ្វើឡើងនៅដើមឆ្នាំ២០២២។ មួយវិញទៀតការជ្រើសរើសកម្លាំងកងទ័ពចូលរួមក្នុងការសម្ដែងបើកនេះ ព្រោះងាយស្រួលក្នុងការបង្ហាត់បង្ហាញដោយសារតែអ្នកទាំងនោះធ្លាប់ហាត់ច្បាប់ទម្លាប់ផ្សេងៗរួចហើយ។ ជាកម្លាំងមានវិស័យស្រាប់ និងងាយក្នុងការគ្រប់គ្រងផងដែរ ដូច្នេះពេលវេលាហាត់ត្រៀមរយៈពេលជាង១ឆ្នាំគឺអាចសម្ដែងបានហើយ។
រំលឹកដែរថា នៅឆ្នាំ២០២៣ ខាងមុខនេះកម្ពុជានឹងទទួលធ្វើជាម្ចាស់ផ្ទះកីឡាស៊ីហ្គេម លើកទី៣២។ ដែលនេះជាលើកទី១ និងជាប្រវត្តិសាស្ត្រសម្រាប់កម្ពុជាក្នុងការធ្វើជាម្ចាស់ផ្ទះកម្មវិធីកីឡាអាស៊ីអាគ្នេយ៍។ រៀងរាល់ថ្ងៃអង្គារ CAMSOC តែងតែបើកកិច្ចប្រជុំគណៈអចិន្ត្រៃយ៍ត្រួតពិនិត្យវឌ្ឍនភាពការងារជាមួយប្រធានគណៈកម្មការជំនាញផ្សេងៗ៕