- 2021-08-27 04:45:50
- កីឡាផ្សេងៗ
សហព័ន្ធវាយកូនឃ្លីលើតុ ទទួលជំនួយសម្ភារហ្វឹកហាត់ខ្ទង់ ៥០០០ដុល្លារដាក់ចូលស្តាតថ្មី
- 2021-08-27 04:45:50
- ចំនួនមតិ 0 | ចំនួនចែករំលែក 0
សហព័ន្ធវាយកូនឃ្លីលើតុ ទទួលជំនួយសម្ភារហ្វឹកហាត់ខ្ទង់ ៥០០០ដុល្លារដាក់ចូលស្តាតថ្មី
ចន្លោះមិនឃើញ
សហព័ន្ធវាយកូនឃ្លីលើតុកម្ពុជា គឺបានទទួលសម្ភារហ្វឹកហាត់ចំនួន៩មុខផ្សេងៗគ្នាពីសហព័ន្ធវាយកូនឃ្លីលើតុអាស៊ី ដែលសរុបថវិកាខ្ទង់ ៥០០០ដុល្លារដើម្បីជំនួយដល់ការហ្វឹកហាត់ជាពិសេសពេលប្រមូលផ្ដុំខាងមុខឯពហុកីឡដ្ឋានមរតកតេជោ។
លោក ស៊ុន សុធារិទ្ធ អគ្គលេខាធិការសហព័ន្ធខាងលើនេះបានឲ្យដឹងថា ជំនួយជាសម្ភារហ្វឹកហាត់នេះគឺបានទទួលពីសហព័ន្ធវាយកូនឃ្លីលើតុអាស៊ី។ នៅពេលនេះបានមកដល់ក៏ដូចជាដាក់ចូលក្នុងពហុកីឡដ្ឋានមរតកតេជោរួចរាល់ហើយដែរ។
អគ្គលេខាធិការរូបនេះបន្ថែមទៀត សម្ភារទាំងនេះនឹងជួយដល់ការប្រមូលផ្ដុំហ្វឹកហាត់របស់ក្រុមកីឡាករ កីឡាការិនីជម្រើសជាតិឲ្យកាន់តែប្រសើរ និងល្អជាងមុនផងដែរដើម្បីត្រៀមការប្រកួតស៊ីហ្គេម នៅវៀតណាម និង ២០២៣។
រំលឹកដែរថា នៅពេលខាងមុខឆាប់ៗនេះសហព័ន្ធវាយកូនឃ្លីលើតុកម្ពុជា រួមនិងប្រភេទកីឡាជាច្រើនទៀតនឹងប្រមូលផ្ដុំឡើងវិញដើម្បីហ្វឹកហាត់លក្ខណៈបិទខ្ទប់នៅក្នុងពហុកីឡដ្ឋានមរតកតេជោ។ ឥលូវនេះផងដែរប្រភេទកីឡាទាំងនោះកំពុងមមាញឹកក្នុងការដឹកជញ្ជូន និងដំឡើងឧបករណ៍ហ្វឹកហាត់នៅពហុកីឡដ្ឋានថ្មីនេះ៕ អត្ថបទកែសម្រួលពី Cambodia SEA GAMES 2023៕
