- 2021-08-10 08:50:38
- កីឡាផ្សេងៗ
ក្រុមជម្រើសជាតិចំបាប់នឹងហាត់ផ្ទាល់ជាមួយគ្រូថ្មីនៅស្តាតមរតកតេជោ
- 2021-08-10 08:50:38
- ចំនួនមតិ 0 | ចំនួនចែករំលែក 0
ក្រុមជម្រើសជាតិចំបាប់នឹងហាត់ផ្ទាល់ជាមួយគ្រូថ្មីនៅស្តាតមរតកតេជោ
ចន្លោះមិនឃើញ
ក្រុមកីឡាករ កីឡាការិនីចំបាប់ជម្រើសជាតិ នឹងចាប់ផ្ដើមហ្វឹកហាត់ផ្ទាល់ជាមួយគ្រូថ្មីលោក Komeil Ghasemi នៅដើមខែកញ្ញា ឆ្នាំ២០២១ នៅពហុកីឡដ្ឋានមរតកតេជោ ខាងមុខនេះ។
លោក ធិន វិចិត្រ អគ្គលេខាធិការសហព័ន្ធខាងលើនេះបានឲ្យដឹងថា សព្វថ្ងៃនេះគ្រូជម្រើសថ្មីលោក Komeil Ghasemi គឺត្រួតពិនិត្យ និងងាយតម្លៃជាបណ្ដើរៗតាម Online ផងដែរ។ ដោយឡែកចំពោះការបង្ហាត់ដោយផ្ទាល់នោះគឺអាចនឹងធ្វើឡើងនៅខែកញ្ញា នេះតែម្ដងនៅពហុកីឡដ្ឋានមរតកតេជោ។
អគ្គលេខាធិការខាងលើនេះបន្ថែមទៀតថា ឥលូវនេះសហព័ន្ធ និងមជ្ឈមណ្ឌលហ្វឹកហ្វឺនកីឡាកំពុងពិភាក្សារៀបចំដើម្បីឲ្យក្រុមកីឡាករ កីឡាការិនីប្រមូលផ្ដុំហ្វឹកហាត់លក្ខណៈបិទខ្ទប់នៅពហុកីឡដ្ឋានមរតកតេជោតែម្ដង។
រំលឹកដែរថា សហព័ន្ធកីឡាចំបាប់ប៉ុន្មានសប្ដាហ៍នេះទើបតែទទួលបានគ្រូជម្រើសជាតិថ្មីជនជាតិអ៊ីរ៉ង់ ដែលមានកម្រិតសមត្ថភាពលំដាប់អូឡាំពិក។ ដោយសារតែរីករាលដាលនៃជំងឺកូវីដ ១៩ សាលហ្វឹកហាត់ និងពហុកីឡដ្ឋានជាតិទាំងមូលត្រូវបានយកសម្រាប់ព្យាបាលអ្នកជំងឺកាចសាហាវនេះ។ ចំពោះក្រុមជម្រើសជាតិត្រូវប្ដូរទៅជាហាត់តាម Online នៅផ្ទះរៀងៗខ្លួនជាច្រើនខែមកហើយ៕
