- 2021-02-07 05:03:52
- ព័ត៌មាន
កីឡាករល្បីៗ ៥នាក់ ដែលបាត់បង់ជីវិតលើទីលានប្រកួត (វីដេអូ)
- 2021-02-07 05:03:52
- ចំនួនមតិ 0 | ចំនួនចែករំលែក 0
កីឡាករល្បីៗ ៥នាក់ ដែលបាត់បង់ជីវិតលើទីលានប្រកួត (វីដេអូ)
ចន្លោះមិនឃើញ
បាល់ទាត់ជាកីឡាដ៏ពេញនិយមមួយ ដែលមិនប្រឈមគ្រោះថ្នាក់ខ្លាំងនោះទេ។ យ៉ាងណាក្ដី ការប៉ះទង្គិចលើទីលាន គួបផ្សំនឹងកត្តាសុខភាពរបស់កិឡាករផងនោះ បានធ្វើឲ្យកីឡាករមួយចំនួន បានរងគ្រោះរហូតបាត់បង់ជីវិតលើទីលានប្រកួត។
ករណីបាត់បង់ជីវិត ធ្លាប់មានច្រើនមកហើយ ដែលមានទាំងការស្លាប់លើទីលាន និងការស្លាប់ពេលបញ្ជូនទៅដល់មន្ទីរពេទ្យ។ ថ្ងៃនេះ Sabay សូមបង្ហាញកីឡាករ ៥នាក់ ដែលបានបាត់បង់ជីវិត លើទីលានប្រកួត៖
១. Miklos Feher
កីឡាករសញ្ជាតិហុងគ្រី Feher លេងឲ្យក្លឹបព័រទុយហ្គាល់ Benfica បានស្លាប់ដោយសារគាំងបេះដូង អំឡុងការប្រកួតរវាងក្លឹប Benfica និង Vitoria de Guimaraes កាលពីថ្ងៃទី២៥ ខែមករា ឆ្នាំ២០០៤ ក្នុងវ័យ ២៤ឆ្នាំ។
២. Piermario Morosini
កីឡាករសញ្ជាតិអ៊ីតាលី Morosina លេងឲ្យក្លឹប Livorno បានស្លាប់កាលពីថ្ងៃទី១៤ មេសា ២០១២ ក្នុងវ័យ ២៥ឆ្នាំ។ Morosini បានគាំងបេះដូង អំឡុងការប្រកួតរវាង Linorno ទល់នឹង Pescara។
៣. Antonio Puerta
កីឡាករសញ្ជាតិអេស្ប៉ាញ Puerta លេងឲ្យក្លឹប Sevilla បានស្លាប់ដោយសារគាំងបេះដូង កាលពីថ្ងៃទី២៥ សីហា ២០១៧ អំឡុងការប្រកួតរវាង Sevilla ទល់នឹង Getafe ក្របខណ្ឌ La Liga ក្នុងវ័យត្រឹម ២២ឆ្នាំ។
៤. Emanuel Ortega
ខុសពីកីឡាករ ៣នាក់ខាងលើ កីឡាករអាហ្សង់ទីន Ortega បានស្លាប់ដោយសារប៉ះទង្គិចក្បាល នឹងជញ្ជាំងថ្ម ជាប់ទីលាន កាលពីឆ្នាំ២០១៥ ក្នុងវ័យត្រឹម ២១ឆ្នាំ។
៥. Marc Vivien Foe
កីឡាករជម្រើសជាតិកាម៉េរូនរូបនេះ បានស្លាប់អំឡុងការប្រកួតរវាងកាម៉េរូន ទល់នឹងកូឡុំប៊ី វគ្គពាក់កណ្ដាលផ្ដាច់ព្រ័ត្រ ពានរង្វាន់ FIFA Confederations Cup ថ្ងៃទី២៦ មិថុនា ២០០៣។ គាត់បានដួលស្លាប់ នៅនាទី ៧២ អំឡុងការប្រកួតនោះ ដោយមិនមានកីឡាករផ្សេងទៀតនៅក្បែរ។ គ្រូពេទ្យលើទីលាន បានព្យាយាមសង្រ្គោះដោយខ្យល់អុកស៊ីសែន និងសែងចេញដើម្បីសង្រ្គោះបន្តក្នុងបន្ទប់សង្រ្គោះនៅកីឡដ្ឋាន ប៉ុន្តែមិនបានសម្រេចនោះទេ។
សូមទស្សនាហេតុការណ៍ដែលកើតឡើងលើកីឡាករ ៥រូបខាងលើ ដូចខាងក្រោម៖
ចុចអាន៖
- កីឡាកាសជាការសម្ដែង តែមានករណីខុសបច្ចេកទេស ដល់ស្លាប់ និងរបួសធ្ងន់!