- 2021-01-27 04:06:22
- កីឡាផ្សេងៗ
អ្នកចង់ប្រណាំងកង់ បោះតង់ តាមឆ្នេរថ្ងៃ១៤ កុម្ភៈ ពីអូរឈើទាល ឆ្នេររាម អាចចុះឈ្មោះបាន...
- 2021-01-27 04:06:22
- ចំនួនមតិ 0 | ចំនួនចែករំលែក 0
អ្នកចង់ប្រណាំងកង់ បោះតង់ តាមឆ្នេរថ្ងៃ១៤ កុម្ភៈ ពីអូរឈើទាល ឆ្នេររាម អាចចុះឈ្មោះបាន...
ចន្លោះមិនឃើញ
ឯកឧត្ដម វ៉ាត់ ចំរើន នៅថ្ងៃទី១៤ ខែកុម្ភៈ ២០២១ នេះនឹងមានព្រឹត្តិការណ៍កីឡាប្រណាំងកង់បែបទេសចរណ៍តាមឆ្នេរអូរឈើទាល ដល់ ឆ្នេររាម និងមានការបោះតង់កម្សាន្តនៅទីនោះតែម្ដង បើចាប់អារម្មណ៍អាចចុះឈ្មោះបាននៅ NOCC ឬ Cambodia Organizer។
ឯកឧត្ដម វ៉ាត់ ចំរើន បានឲ្យដឹងថា តាមការចង្អុលបង្ហាញពីបណ្ឌិត ថោង ខុន ឲ្យបង្កើតកម្មវិធីបែបទេសចរណ៍នៅខេត្តព្រះសីហនុ ដើម្បីបង្ហាញពីការអភិវឌ្ឍន៍ ហេដ្ឋារចនាសម្ព័ន្ធដែលធ្វើរួចរាល់តាមឆ្នេរអូរត្រេសដល់ឆ្នេររាមជាដើម។ ដែលហេដ្ឋារចនាសម្ព័ន្ធទាំងនោះ គឺមានភាពស្រល់ស្អាត និងសមស្របទៅហ្នឹងកម្មវិធីកីឡានានាផងដែរ។
ការរៀបចំកម្មវិធីជិះកង់ប្រណាំងតាមឆ្នេរនេះ គឺចង់បង្កើនទេសចរណ៍ក្នុងស្រុក ជាពិសេសអំឡុងពេលស្ថានភាពកូវីដ ដើម្បីជួយលើកកម្ពស់អាជីវករ ប្រតិបត្តិការទេសចរណ៍តំបន់នោះផង។ មួយវិញទៀតក៏ចង់បង្វែរការគិតរបស់យុវជនមួយចំនួន ដែលគិតខុសលើថ្ងៃទី១៤ កុម្ភៈ ងាកឲ្យយល់ពីគុណតម្លៃនៃសេចក្ដីស្រឡាញ់ ហើយមកលេងកីឡាជំនួសវិញ។
រំលឹកដែរថា កម្មវិធីប្រណាំងកង់តាមឆ្នេរអរឈើទាល ឆ្នេរអូរត្រេស ដល់ឆ្នេររាមនេះនឹងធ្វើឡើងនៅថ្ងៃទី១៤ ខែកុម្ភៈ ឆ្នាំ២០២១ ហើយនិងមានការបោះតង់កម្សាន្តតាមឆ្នេរទាំងនោះតែម្ដង។ សម្រាប់វិញ្ញាសាវិញមានប្រណាំងភ្នំ ៤០គីឡូម៉ែត្រ ប្រណាំងបែបលក្ខណៈគ្រួសារ ប្រណាំងកង់ជាគូ។ ចំពោះព័ត៌មានលំអិត និងការចុះឈ្មោះអាចមកសហព័ន្ធទោចក្រយានយន្ត នៅ NOCC ឬនៅ Cambodia Organizer ផងដែរ៕