- 2020-12-18 08:51:52
- កីឡាផ្សេងៗ
ណែត លីណា៖ ក្រុមទាញព្រ័ត្រនារីខេត្តបាត់ដំបង ជម្នះឧបសគ្គដើម្បីជោគជ័យនៅថ្ងៃមុខ
- 2020-12-18 08:51:52
- ចំនួនមតិ 0 | ចំនួនចែករំលែក 0
ណែត លីណា៖ ក្រុមទាញព្រ័ត្រនារីខេត្តបាត់ដំបង ជម្នះឧបសគ្គដើម្បីជោគជ័យនៅថ្ងៃមុខ
ចន្លោះមិនឃើញ
កីឡាការិនីទាញព្រ័ត្រតំណាងខេត្តបាត់ដំបង ណែត លីណា ថាក្រុមទាំងមូលរបស់ខ្លួនសព្វថ្ងៃនេះគឺមានការខំប្រឹង និងបន្តហ្វឹកហាត់ជានិច្ចដើម្បីសម្រេចបំណងជោគជ័យលើប្រភេទកីឡាមួយនេះ ឬនៅស៊ីហ្គេម ២០២៣។
ណែត លីណា តំណាងក្លឹបទាញព្រ័ត្រខេត្តបាត់ដំបង បានឲ្យដឹងថា ស្មារតីក្រុមទាំងមូលមិនដែលឡើយថាមានគំនិតឈប់ ឬបោះបង់ការហ្វឹកហាត់កីឡាទាញព្រ័ត្រនោះឡើយ បើទោះជាត្រូវចំណាយពេលហ្វឹកហាត់ ជួបឧបសគ្គលំបាកក្នុងការហាត់ក៏ដោយ។
ម្ចាស់មេដាយមាសថ្នាក់ជាតិ ឆ្នាំ២០២០ នេះបន្តលើកឡើងទៀតថា អ្វីដែលជាការខំប្រឹងប្រែងជាយូរមកហើយគឺចង់ដើរឲ្យដល់គោលដៅ ឬអាចទទួលជោគជ័យលើឆាកអន្តរជាតិ។ តំណាងក្លឹបមកពីបាត់ដំបងរូបនេះរឹតតែចង់ឈ្នះមេដាយ ឬរកមុខមាត់ជូនប្រទេសកម្ពុជានៅព្រឹត្តិការណ៍ស៊ីហ្គេម ឆ្នាំ២០២៣ ពេលធ្វើជាម្ចាស់ផ្ទះ។
រំលឹកដែរថា ក្លឹបទាញព្រ័ត្រមកពីខេត្តបាត់ដំបង ទាំងផ្នែកនារី និងបុរស សុទ្ធតែឈ្នះមេដាយមាស ថ្មីៗនេះក្នុងព្រឹត្តិការណ៍ជ្រើសរើសជើងឯកថ្នាក់ជាតិឆ្នាំ២០២០ ដែលធ្វើឡើងនៅរាជធានីភ្នំពេញ៕
