- 2020-12-03 03:33:42
- កីឡាផ្សេងៗ
ប្រធានសហព័ន្ធទាញព្រ័ត្រ៖ កីឡាទាញព្រ័ត្រងាយលេង ប៉ុន្តែមិនងាយយកឈ្នះ
- 2020-12-03 03:33:42
- ចំនួនមតិ 0 | ចំនួនចែករំលែក 0
ប្រធានសហព័ន្ធទាញព្រ័ត្រ៖ កីឡាទាញព្រ័ត្រងាយលេង ប៉ុន្តែមិនងាយយកឈ្នះ
ចន្លោះមិនឃើញ
ឯកឧត្ដម មាស សារិន ប្រធានសហព័ន្ធទាញព្រ័ត្រ ថាកីឡាមួយនេះមើលទៅងាយលេងណាស់ ប៉ុន្តែមិនងាយស្រួលក្នុងការយកឈ្នះទេ ដូច្នេះអ្នកដែលឈ្នះត្រូវបានគោរព និងផ្ដល់កិត្តិយសណាស់។
ឯកឧត្ដម មាស សារិន ប្រធានសហព័ន្ធខាងលើនេះបានឲ្យដឹងថា អ្នកគ្រប់គ្នាមើលឃើញកីឡាទាញព្រ័ត្រហើយអាចគិតថា ជាកីឡាដែលងាយក្នុងការលេង និងអាចគិតទៀតថាប្រហែលមិនសូវពិបាកប៉ុន្មានទេ តែធាតុពិតកីឡានេះមិនដូច្នេះទេ។
ក្រុមចូលរួមនិមួយៗទម្រាំអាចឆ្លងកាត់ពីមួយវគ្គទៅមួយវគ្គ ឬអាចយកឈ្នះបាននោះគឺឃើញហើយថាពិបាក មានទាំងសន្លប់ជាដើមព្រោះកីឡានេះត្រូវប្រើកម្លាំងខ្លាំង ចំណែកការហ្វឹកហាត់ក៏មិនធម្មតាដែរ។ ដូច្នេះហើយចំពោះក្រុមដែលទទួលបានជ័យជម្នះ ទទួលបានមេដាយនេះគឺត្រូវតែមានការគោរពខ្លាំង និងផ្ដល់តម្លៃមែនទែនដូចទៅហ្នឹងគ្រប់គ្នាបានដឹងស្រាប់ខាងលើ។
រំលឹកដែរថា សហព័ន្ធកីឡាទាញព្រ័ត្របានបង្កើតឡើងតាំងពីឆ្នាំ ២០១៥ មកម្ល៉េះ។ បច្ចុប្បន្ននេះប្រធានសហព័ន្ធដឹកនាំដោយឯកឧត្ដម មាស សារិន។ សហព័ន្ធកីឡាមួយនេះទើបតែបញ្ចប់ការប្រកួតជើងឯកថ្នាក់ជាតិរបស់ខ្លួនកាលពីចុងខែវិច្ឆិកា ២០២០ នៅវិមានក្នុងពហុកីឡដ្ឋានជាតិ៕
