- 2020-09-15 07:03:22
- កីឡាផ្សេងៗ
ទម្រាំខ្លាំងប៉ុណ្ណេះសហព័ន្ធតេក្វាន់ដូ ITF តែងតែធ្វើការប្រកួតសាកល្បងសមត្ថភាពកីឡាករជានិច្ច
- 2020-09-15 07:03:22
- ចំនួនមតិ 0 | ចំនួនចែករំលែក 0
ទម្រាំខ្លាំងប៉ុណ្ណេះសហព័ន្ធតេក្វាន់ដូ ITF តែងតែធ្វើការប្រកួតសាកល្បងសមត្ថភាពកីឡាករជានិច្ច
ចន្លោះមិនឃើញ
អគ្គលេខាធិការសហព័ន្ធតេក្វាន់ដូ ITF កម្ពុជា តែងតែធ្វើការសាកល្បងសមត្ថភាពកីឡាករជម្រើសជាតិ និងយុវជនថ្នាលរបស់ខ្លួនពីភាពរីកចម្រើន ឬអន់ថយជានិច្ចឲ្យមិនភ្លេចខ្លួននោះឡើយ។
ឯកឧត្ដម បួន ហ៊ីងសុធីយ៉ា អគ្គលេខាធិការសហព័ន្ធកីឡាខាងលើនេះបានឲ្យដឹងថា បើទោះជាមានការហ្វឹកហាត់ជាប្រចាំថ្ងៃ មិនថាឈុតធំ ឬយុវជនថ្នាល ទាំងនេះទេគឺសហព័ន្ធផ្ទាល់តែងតែគិតជានិច្ចពីគុណភាព សមត្ថភាពកីឡាករ កីឡាការិនី និងធ្វើការសាកល្បងតាមដានជាបន្តបន្ទាប់។
ល្ងាចម្សិលមិញនេះដែរសហព័ន្ធតេក្វាន់ ITF បានបង្កើតកម្មវិធីប្រកួតសមត្ថភាពកីឡាករទាំងអស់ មិនថាឈុតធំ ថ្នាល នោះទេត្រូវចាប់ឆ្នោតប្រកួតគ្នាតាមកម្រិតដូចជា កម្រិត A កម្រិត Bនិងកម្រិត C ដើម្បីដឹងថាកម្រិតសមត្ថភាពវិញ្ញាសាមេគុនរបស់ពួកគេឡើង ឬចុះអន់ថយ។ ប្រសិនបើកីឡាករណានៅរក្សាចំណាត់ថ្នាក់របស់ខ្លួនបានល្អដដែល ឬល្អជាងមុននោះមានន័យថាការហ្វឹកហាត់របស់កីឡាកររូបនោះមានការរីកចម្រើន ដោយឡែកនរណាធ្លាក់លេខមានន័យថាធ្លាក់ទម្រង់ហើយដូច្នេះត្រូវតែប្រឹងប្រែងហ្វឹកហាត់ឡើងវិញ ឬត្រូវពង្រឹងចំណុចខ្វះខាតទាំងនោះឲ្យល្អប្រសើរ។
រំលឹកដែរថា សហព័ន្ធតេក្វាន់ដូ ITF ជាសហព័ន្ធកីឡាមួយដែលមានសក្ដានុពលរបស់កម្ពុជា និងតែងតែឈ្នះមេដាយជានិច្ចកាលមិនថាកម្រិតមេដាយមាសពិភពលោក កម្រិតអាស៊ី និងកម្រិតផ្សេងទៀតនោះទេ។ សហព័ន្ធនេះសំបូរធនធានកីឡាករច្រើន និងត្រូវដាក់បញ្ចូលជាប្រភេទកីឡាអថិភាពក្នុងការរកមេដាយជូនកម្ពុជានៅស៊ីហ្គេម ឆ្នាំ២០២៣ ពេលធ្វើម្ចាស់ផ្ទះទៀតផង៕
