នេះហើយជើងខ្លាំង PES ស្រុកខ្មែរ និយាយពីបទពិសោធឈ្នះជើងឯកឆ្នាំ២០២០

2020-07-22 02:53:01
កីឡាផ្សេងៗ

2020-07-22 02:53:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ភិន ប៉ូលីដែត ជាជើងខ្លាំងជាប់លេខ១ PES នៅស្រុកខ្មែរក្នុងកម្មវិធី EFC CAFE PES 2020 ដែលជាការប្រកួតផ្លូវការរបស់សហព័ន្ធកីឡាអេឡិចត្រូនិក បានរៀបចំឡើងកាលពីថ្ងៃទី១៨-១៩ កក្កដា ប៉ុន្មានថ្ងៃមុននេះ។

ប៉ូលីដែត(ឆ្វេង) រ៉ាវុធ(ស្ដាំ)

ប៉ូលីដែត បានឲ្យដឹងថា ចំពោះការប្រកួតជ្រើសរើសជើងឯក EFC CAFE PES 2020 ខ្លួនមិនស្មានថាអាចជាប់លេខ១ បែបនេះទេ ព្រោះមានកីឡាករចូលរួមច្រើន និងសុទ្ធតែមានថ្វីដៃទៀតផង។ ប៉ុន្តែយ៉ាងណាមានតែការខំប្រឹងប្រែងលេងឲ្យអស់ពីសមត្ថភាពហើយក៏សម្រេចបានឡើងដល់វគ្គសំខាន់ៗដូចជា ៨ក្រុម ឬ៤ចុងក្រោយតែម្ដង។

ទិដ្ឋភាពថ្ងៃប្រកួត

ចំពោះវគ្គផ្ដាច់ព្រ័ត្រយកលេខ១ វិញជាមួយដៃគូចាស់ធ្លាប់ចាញ់ម្ដងហើយកាលពីឆ្នាំមុននោះ ភិន ប៉ូលីដែត ថាពិតជាលំបាក់ និងស្វិតស្វាញណាទម្រាំអាចឈ្នះ។ ដោយសារតែ វង្ស រ៉ាវុធ ជើងឯកឆ្នាំចាស់នោះ គឺមានសមត្ថភាពល្អខ្លាំង និងរីកចម្រើនជាងមុនទៅទៀត ប៉ុន្តែដោយភ្លាត់ស្នៀតបន្តិចនៅតំបន់អ្នកចាំទីទើបចាញ់ខ្លួននាការប្រកួតវគ្គផ្ដាច់ព្រ័ត្រនេះ។

លេខ១(កណ្ដាល) លេខ២(ស្ដាំ) លេខ៣(ឆ្វេង)

កីឡាករវ័យ២៥ឆ្នាំខាងលើនេះបន្តប្រាប់ទៀតថា បើនិយាយពីការលេងវិញ្ញាសាបាល់ទាត់អេឡិចត្រូនិកនេះគិតទៅប្រហែល ១៥ឆ្នាំមកហើយ។ ចំពោះជ័យជម្នះក្លាយជាជើងឯក PES ២០២០ នេះដោយសារតែខ្លួនបានពង្រឹងសមត្ថភាពច្រើន អនុវត្តបានច្រើន និងស្វែងយល់ពីបច្ចេកទេសថ្មីៗជាពិសេសបានបទពិសោធពេលចេញទៅប្រកួតនៅប្រទេសថៃ ដែលសហព័ន្ធបញ្ជូនទៅតែម្ដង។

តំណាងសហព័ន្ធប្រគល់ប្រាក់រង្វាន់

រំលឹកដែរថា ភិន ប៉ូលីដែត ជាជើងឯកកម្មវិធី EFC CAFE PES 2020 ដែលរៀបចំដោយសហព័ន្ធកីឡាអេឡិចត្រូនិកកម្ពុជា កាលពីថ្ងៃទី១៨-១៩ កក្កដា ២០២០។ មួយវិញទៀត ប៉ូលីដែត ក៏បានសងសឹកដៃគូចាស់ វង្ស រ៉ាវុធ ដែលធ្លាប់ចាញ់វគ្គផ្ដាច់ព្រ័ត្រឆ្នាំ២០១៩ វិញទៀតផង៕

វីដេអូ៖

អត្ថបទ៖ នួន ស៊ីណា