- 2020-06-20 01:00:00
- កីឡាផ្សេងៗ
ជា ប៊ុនហេង៖ សហព័ន្ធសូហ្វតិន្នីស ពិតជាមានការរីកចម្រើនខ្លាំងបច្ចុប្បន្ន
- 2020-06-20 01:00:00
- ចំនួនមតិ 0 | ចំនួនចែករំលែក 0
ជា ប៊ុនហេង៖ សហព័ន្ធសូហ្វតិន្នីស ពិតជាមានការរីកចម្រើនខ្លាំងបច្ចុប្បន្ន
ចន្លោះមិនឃើញ
អនុប្រធានសហព័ន្ធសូហ្វតិន្នីសកម្ពុជា ថាសហព័ន្ធកីឡាមួយនេះពិតជាមានការរីកចម្រើនខ្លាំងមែន តាមរយៈលទ្ធផលគាប់ប្រសើរ និងតែងតែយកមេដាយមកពីការប្រកួតអន្តរជាតិនានាកន្លងទៅនេះ ។
ឯកឧត្ដម ជា ប៊ុនហេង អនុប្រធានសហព័ន្ធសូហ្វតិន្នីសកម្ពុជាបានឲ្យដឹងថា បើទោះជារយៈពេលប៉ុន្មានខែថ្មីៗនេះកីឡាករ កីឡាការិនីគ្រប់រូបត្រូវសម្រាកនៅផ្ទះរៀងខ្លួន និងហ្វឹកហាត់ដោយខ្លួនឯងក៏ពិតមែនអំឡុងជំងឺ COVID ប៉ុន្តែសមត្ថភាពមិនធ្លាក់ចុះណាស់ណាទេក្នុងការប្រកួតជើងឯកថ្នាក់ជាតិ ។
អ្នកជំនាញកីឡារូបនេះបន្តប្រាប់ទៀតថា តាមរយៈមេដាយដែលឈ្នះនៅប្រទេសចិន និងកម្មវិធីកម្រិតអន្តរជាតិជាច្រើនកន្លងទៅនេះ សបញ្ជាក់ថាសហព័ន្ធមានការរីកចម្រើនខ្លាំងតែម្ដង ។ ឯកឧត្ដមក៏ប្រាប់ទៅក្រុមកីឡាករទាំងអស់បន្តខំប្រឹងហ្វឹកហាត់បន្ថែមទៀត ជាពិសេសត្រៀមប្រជែងរកមេដាយស៊ីហ្គេម លើកទី៣១ នៅឯប្រទេសវៀតណាមពេលខាងមុខនេះទៀតដើម្បីរឹតតែច្បាស់ពីភាពខ្លាំងក្លាបន្ថែម ។
រំលឹកដែរថា សហព័ន្ធកីឡាសូហ្វតិន្នីស ម្សិលមិញនេះបានធ្វើការប្រកួតជ្រើសរើសជើងឯកថ្នាក់ជាតិឆ្នាំ ២០២០ រួចហើយក្រោយចំណាយពេលអស់ ៥ថ្ងៃ ចាប់ពីថ្ងៃទី១៥ ដល់ ១៩ ខែមិថុនា ។ ឯកឧត្ដម ជា ប៊ុនហេង ក៏បានចូលរួមក្នុងពិធីបិទនោះដែរ ៕
