/5eec6cc941f7f_1592552640_medium.jpg)
- 2020-06-19 07:52:14
- កីឡាផ្សេងៗ
សហព័ន្ធកីឡាទាញព្រ័ត្រលើកឡើងពីការប្ដេជ្ញាចិត្តជួយកម្ពុជានៅស៊ីហ្គេម ២០២៣
- 2020-06-19 07:52:14
- ចំនួនមតិ 0 | ចំនួនចែករំលែក 0
សហព័ន្ធកីឡាទាញព្រ័ត្រលើកឡើងពីការប្ដេជ្ញាចិត្តជួយកម្ពុជានៅស៊ីហ្គេម ២០២៣
ចន្លោះមិនឃើញ
លោក ឯម ហៀង អនុប្រធានសហព័ន្ធកីឡាទាញព្រ័ត្រកម្ពុជា លើកឡើងពីទិសដៅសំខាន់ៗ ក្នុងអាណត្តិទី៤ របស់សហព័ន្ធ និងការខំប្រឹងប្រែងបង្កើនធនធានមនុស្សដើម្បីឲ្យមានកិត្យានុភាពប្រទេសនៅពេល ស៊ីហ្គេម ២០២៣ ខាងមុខ។
លោក ឯម ហៀង បានឲ្យដឹងថា សម្រាប់មហាសន្និបាតបញ្ចប់អាណត្តិទី៣ របស់សហព័ន្ធម្សិលមិញនេះគឺបានពិភាក្សា និងឆ្លុះបញ្ចាំងពីសកម្មភាពការងារក្នុងអាណត្តិចាស់ឲ្យអង្គមហាសន្និបាតពិនិត្យពិចារណា។
ទន្ទឹមនិងនេះផងដែរសហព័ន្ធបានលើកទិសដៅសំខាន់ៗសម្រាប់អាណត្តិថ្មីនេះ គឺផ្ដោតលើភាពជោគជ័យនៅស៊ីហ្គេម ២០២៣ តែម្ដង។ ចំណុចសំខាន់ការកសាងធនធានមនុស្ស ព្រោះកិត្យានុភាពរបស់ប្រទេសទៅលើសកលលោកនៅពេលកម្ពុជារៀបចំធ្វើជាម្ចាស់ផ្ទះស៊ីហ្គេមនោះគឺមានចំណុច២ ទី១ ការរៀបចំប្រកួតដោយជោគជ័យ និងទី២ ការឈ្នះមេដាយនៅពេលប្រកួត។ ដូច្នេះហើយផែនការរបស់សហព័ន្ធនោះត្រូវបង្កើនធនធានមនុស្សទាំងការគ្រប់គ្រង រៀបចំ ទាំងបច្ចេកទេសគ្រូបង្វឹក ចៅក្រម អាជ្ញាកណ្ដាល រួមនិងសមត្ថភាពក្រុមកីឡាករ កីឡាការិនីទាំងអស់នេះហើយទើបអាចជោគជ័យនៅក្នុងព្រឹត្តិការណ៍នោះបាន។
រំលឹកដែរថា សហព័ន្ធកីឡាទាញព្រ័ត្រកម្ពុជាបានធ្វើមហាសន្និបាតបញ្ចប់អាណត្តិទី៣ និងបន្តអាណត្តិទី៤ ឆ្នាំ២០២០ ដល់ ២០២៤ នេះកាលពីម្សិលមិញនៅឯទីស្នាក់ការគណៈកម្មាធិការជាតិអូឡាំពិកកម្ពុជា។ ចំពោះអាណត្តិទី៤នេះឯកឧត្ដម មាស សារិន នៅតែជាប្រធានសហព័ន្ធ៕
