- 2020-05-28 10:40:52
- កីឡាផ្សេងៗ
មន្ត្រីសហព័ន្ធសូហ្វតេនីសចុះបាញ់ថ្នាំសម្លាប់មេរោគត្រៀមដំណើរការវិញ
- 2020-05-28 10:40:52
- ចំនួនមតិ 0 | ចំនួនចែករំលែក 0
មន្ត្រីសហព័ន្ធសូហ្វតេនីសចុះបាញ់ថ្នាំសម្លាប់មេរោគត្រៀមដំណើរការវិញ
ចន្លោះមិនឃើញ
ឯកឧត្ដម ជា ប៊ុនហេង អនុប្រធានទី១ សហព័ន្ធសូហ្វតេនីស ថ្ងៃមិញនេះដឹកនាំមន្ត្រីរបស់សហព័ន្ធចុះទៅបាញ់ថ្នាំសម្លាប់មេរោគដើម្បីត្រៀមការប្រកួតជើងឯកថ្នាក់ជាតិ និងពានសម្ដេច ស ខេង នៅខែមិថុនា ២០២០ ខាងមុខ។
ឯកឧត្ដម ជា ប៊ុនហេង បានឲ្យដឹងថា បន្ទាប់ពីបានភ្លើងខៀវពីក្រសួងសុខាភិបាល និងក្រសួងអប់រំ យុវជន និងកីឡារួចមក ឥលូវនេះចាប់ផ្ដើមចុះបាញ់សម្លាប់មេរោគនៅបរិវេណនានានៃតារាងសូហ្វតេនីស ហើយដើម្បីត្រៀមការប្រកួតសំខាន់ៗ។
យ៉ាងណាមិញសហព័ន្ធក៏មិនភ្លេចអនុវត្តន៍នូវការការពារ ធ្វើអនាម័យរួមនិងរក្សាគម្លាតពីគ្នាផងដែរដើម្បីទប់ស្កាត់ជំងឺ COVID នេះ។ ចំពោះកីឡាករដែលត្រូវចូលក្នុងបរិវេណហ្វឹកហាត់ ឬកន្លែងប្រកួតនេះ គឺត្រូវបានទទួលម៉ាស់ និងអាកុលសម្រាប់បាញ់សម្លាប់មេរោគផងដែរ។
រំលឹកដែរថា សហព័ន្ធកីឡានានានៅកម្ពុជាត្រូវបានផ្អាកសកម្មភាពហ្វឹកហាត់ និងប្រកួតមួយរយៈពេលធំមកហើយតាំងពីផ្ទុះជំងឺ COVID មកទើបតែអនុញ្ញាតឲ្យមានការហ្វឹកហាត់ ឬប្រកួតឡើងវិញថ្មីៗនេះទេប៉ុន្តែមិនអនុញ្ញាតឲ្យមានអ្នកចូលទស្សនាឡើយ៕
