- 2020-04-30 08:40:29
- កីឡាផ្សេងៗ
ប្រធានសហព័ន្ធខ្មែរកីឡាហែលទឹក អំពាវនាវយុវជនដែលស្រឡាញ់ឲ្យចូលមកហាត់
- 2020-04-30 08:40:29
- ចំនួនមតិ 0 | ចំនួនចែករំលែក 0
ប្រធានសហព័ន្ធខ្មែរកីឡាហែលទឹក អំពាវនាវយុវជនដែលស្រឡាញ់ឲ្យចូលមកហាត់
ចន្លោះមិនឃើញ
ប្រធានសហព័ន្ធខ្មែរកីឡាហែលទឹក សូមអំពាវនាវដល់យុវជនទាំងអស់ដែលស្រឡាញ់ខាងវិស័យកីឡាមួយនេះ អាចមកចូលហាត់ដើម្បីអាចស្វែងរកអ្នកដែលខ្លាំងយកទៅប្រកួតប្រជែងលើឆាកអន្តរជាតិយកមេដាយជូនប្រទេស។
ឯកឧត្ដម ស៊ុន ចាន់ថុល ប្រធានសហព័ន្ធខាងលើនេះបានឲ្យដឹងថា បច្ចុប្បន្ននេះសហព័ន្ធបានខំប្រឹងប្រែងមែនទែនក្នុងពង្រីកផ្សព្វផ្សាយ និងសាងសង់អាងហែលទឹកថ្មីៗបន្ថែមទៀតនៅតាមបណ្ដាខេត្តផ្សេងៗ។ ទាំងនេះដើម្បីជាការទាក់ទាញ និងប្រើប្រាស់សម្រាប់ការហ្វឹកហាត់។ តទៅមុខទៀតសហព័ន្ធនឹងព្យាយាមបង្កើតនៅតាមខេត្តបន្ថែមទៀតតាមដែលអាចធ្វើទៅបាន ដើម្បីងាយស្រួលដល់អ្នកដែលចង់ហាត់។
ថ្នាក់ដឹកនាំដែលយកចិត្តទុកដាក់លើកីឡារបស់ខ្លួនខាងលើនេះបន្តប្រាប់ទៀតថា ឥលូវនេះអាងហែលទឹកមានច្រើនហើយដូចជានៅមរតកតេជោ សែន អូឡាំពិក កំពង់ចាម កោះធំ និងខេត្តបាត់ដំបង ហេតុនេះហើយសូមឲ្យយុវជនដែលស្រឡាញ់មកចូលរួមហ្វឹកហាត់ទាំងអស់គ្នា ព្រោះការហាត់នេះក៏មិនមានយកប្រាក់នោះដែរ។ កាលណាមានធនធានច្រើនសហព័ន្ធងាយរកអ្នកដែលខ្លាំងបន្ថែមដើម្បីប្រជែងយកមេដាយជូនប្រទេសជាតិក្នុងការប្រកួតអន្តជាតិនានា៕