- 2020-04-29 04:16:27
- កីឡាផ្សេងៗ
ពហុកីឡដ្ឋានជាតិមរតកតេជោនឹងធ្វើរួចរាល់ចុងឆ្នាំ ២០២០ នេះ
- 2020-04-29 04:16:27
- ចំនួនមតិ 0 | ចំនួនចែករំលែក 0
ពហុកីឡដ្ឋានជាតិមរតកតេជោនឹងធ្វើរួចរាល់ចុងឆ្នាំ ២០២០ នេះ
ចន្លោះមិនឃើញ
ពហុកីឡដ្ឋានជាតិមរតកតេជោដែលត្រៀមសម្រាប់ប្រើប្រាស់ក្នុងព្រឹត្តិការណ៍ស៊ីហ្គេម លើកទី៣២ ឆ្នាំ២០២៣ នឹងត្រូវសាងសង់រួចរាល់ចុងឆ្នាំ ២០២០ នេះហើយ ខណៈពេលនេះកំពុងធ្វើមិនឈប់មិនឈរទោះមានជំងឺ COVID-19 យ៉ាងណាក៏ដោយ។
ឯកឧត្ដម វ៉ាត់ ចំរើន អគ្គលេខាធិការ នៃគណៈកម្មាធិការជាតិអូឡាំពិកកម្ពុជា និងជាអគ្គលេខាធិការ CAMSOC បានឲ្យដឹងថា មកដល់ពេលនេះកីឡដ្ឋានធំដែលប្រើសម្រាប់ប្រើក្នុងការបើក បិទ ពិធីក្នុងឆ្នាំ ២០២៣ ឬជាកន្លែងនិមិត្តរូបស៊ីហ្គេម នោះគឺបានសាងសង់រួចរាល់ប្រហែល ៧០-៨០% ហើយ។
ឯកឧត្ដម វ៉ាត់លើកឡើងទៀតថា សំណង់រឹងនៃពហុកីឡដ្ឋានខាងលើនេះបានធ្វើរួចរាល់ គឺនៅតែបំពាក់គ្រឿងបរិក្ខារដូចជាកៅអី បង្កាន់ដៃ ដំបូល កញ្ចក់ និងរៀបចំហេដ្ឋារចនាសម្ព័ន្ធមួយចំនួនបំពាក់នៅក្រោមអគារប៉ុណ្ណោះ។ បើទោះជាបច្ចុប្បន្នកំពុងមានជំងឺឆ្លង COVID-19 យ៉ាងណាក្ដីក៏ខាងក្រុមហ៊ុនសាងសង់របស់ចិននេះមិនបានផ្អាកសកម្មភាពនោះឡើយពោលដំណើរការជាធម្មតា ដោយគ្រាន់តែមានការប្រុងប្រយ័ត្នមិនអនុញ្ញាតឲ្យកម្មករចេញចូលទៅក្រៅទេ ម្នាក់ៗនៅតែក្នុងការដ្ឋានធ្វើការ។ ខាងភាគីចិននឹងពន្លឿនការងារដែលនៅសល់ខាងលើទាំងប៉ុន្មានឲ្យរួចរាល់ជាស្ថាពរនៅខែធ្នូ ឆ្នាំ ២០២០ ហើយប្រគល់ជូនកម្ពុជាប្រើប្រាស់ចាប់ពីឆ្នាំ ២០២១ តទៅ។
សូមបញ្ជាក់ថា ការកសាងពហុកីឡដ្ឋានជាតិសំខាន់នេះជាដំណាក់កាលទី២ បន្ទាប់ពីដំណាក់កាលទី១ មានអាងហែលទឹក និង Indoor Stadium (សង្វៀនប្រដាល់ បាល់ទះ បាល់បោះជាដើម) ត្រូវបានកសាងរួចរាល់កាលពីឆ្នាំ២០១៧ ៕