- 2020-04-23 09:09:48
- កីឡាផ្សេងៗ
អាងហែលទឹកពហុកីឡដ្ឋានជាតិបញ្ចប់ការជួសជុល និងប្រគល់ជូនសហព័ន្ធជាផ្លូវការ
- 2020-04-23 09:09:48
- ចំនួនមតិ 0 | ចំនួនចែករំលែក 0
អាងហែលទឹកពហុកីឡដ្ឋានជាតិបញ្ចប់ការជួសជុល និងប្រគល់ជូនសហព័ន្ធជាផ្លូវការ
ចន្លោះមិនឃើញ
អាងហែលទឹកកម្រិតស្តង់ដារអន្តរជាតិក្នុងពហុកីឡដ្ឋានជាតិ ក្រោយចំណាយពេលអស់ ១៨ខែ ឥលូវបានបញ្ចប់ការជួសជុលជាផ្លូវការ និងបានប្រគល់ជូនសហព័ន្ធខ្មែរកីឡាហែលហើយកាលពីព្រឹកមិញនេះ។
ប្រធានសហព័ន្ធខ្មែរកីឡាហែលទឹក ឯកឧត្ដម ស៊ុន ចាន់ថុល បានឲ្យដឹងថា បន្ទាប់ចំណាយពេលជួសជុលអស់រយៈពេល១៨ខែរួចមក ឥលូវនេះខាងក្រុមហ៊ុនសាងសង់ថ្នល់របស់ចិនដែលជួយធ្វើឲ្យនេះបានប្រគល់ដល់សហព័ន្ធហើយសម្រាប់ប្រើប្រាស់ដល់ការហ្វឹកហាត់ និងប្រកួតនានា។
ចំពោះការចំណាយលើការជួសជុលនេះគឺខ្ទង់ប្រហែលជិត៣លានដុល្លារឯណោះ ដោយបំពាក់នូវឧបករណ៍ថ្មីៗ និងទំនើបបំផុត។ ដូចទៅនិងការលើកឡើងពីមុនៗអញ្ចឹង គឺអាងនេះធ្វើឡើងតាមស្តង់ដារអន្តរជាតិទាំងអាងហែលទឹក និងអាងលោត។ ក្រៅពីនេះទៀតនោះគឺបន្ថែមមានបន្ទប់ស្នាក់សម្រាប់កីឡាករ និងមានបន្ទប់ GYM ហ្វឹកហាត់រាងកាយផងដែរ។
បញ្ជាក់ដែរថា ឯកឧត្តម ស៊ុន ចាន់ថុល ព្រឹកមិញនេះបានទៅពិនិត្យ និងប្រកាសទទួលជាផ្លូវការបន្ទាប់អាងហែលទឹកនៅអូឡាំពិកនេះជួសជុលអស់១៨ខែ។ ចំពោះការចំណាយផ្សេងៗក្នុងការជួសជុលអស់ជិត៣លានដុល្លារនេះជាជំនួយទាំងស្រុងរបស់ក្រុមហ៊ុនចិន៕
