- 2020-04-01 01:49:42
- កីឡាផ្សេងៗ
ជើងចាស់តេក្វាន់ដូ ITF ខ្មែរ អ៊ុយក្រែន ជឿជាក់កីឡាមួយនេះនឹងធ្វើឲ្យកម្ពុជាល្បីនៅស៊ីហ្គេម
- 2020-04-01 01:49:42
- ចំនួនមតិ 0 | ចំនួនចែករំលែក 0
ជើងចាស់តេក្វាន់ដូ ITF ខ្មែរ អ៊ុយក្រែន ជឿជាក់កីឡាមួយនេះនឹងធ្វើឲ្យកម្ពុជាល្បីនៅស៊ីហ្គេម
ចន្លោះមិនឃើញ
ម្ចាស់ខ្សែក្រវាត់ខ្មៅអន្តរជាតិ ៦ដាន់ អ៊ុក តារាចាន់ ជឿជាក់លើក្រុមតេក្វាន់ដូ ITF កម្ពុជានឹងធ្វើឲ្យប្រទេសរឹតតែល្បីល្បាញតាមរយៈការឈ្នះមេដាយនៅព្រឹត្តិការណ៍ ស៊ីហ្គេម ឆ្នាំ២០២៣ នៅពេលធ្វើជាម្ចាស់ផ្ទះខាងមុខ។
ជើងចាស់តេក្វាន់ដូ ITF តាំងពីសង្គម និងជាគ្រូបង្វឹកនៅប្រទេសអ៊ុយក្រែននាពេលបច្ចុប្បន្ននេះលោក អ៊ុក តារាចាន់ បានឲ្យដឹងថា បើតាមអ្វីដែលបានមើលឃើញផ្ទាល់ពីសមត្ថភាពរបស់ក្រុមកម្ពុជាតាំងតែពីការប្រកួតជើងឯកពិភពលោកកន្លងៗគឺល្អមែនទែន។ ម្នាក់ៗមានកម្រិតសមត្ថភាពខ្ពស់ ស្របពេលដែលមានថ្នាក់ដឹកនាំពូកែដូចជាឯកឧត្ដម កែវ រ៉េមី ទៀតនោះ លោកជឿជាក់ថាកម្ពុជានឹងរឹតតែល្បីនៅពេលប្រកួតស៊ីហ្គេម ២០២៣។
គ្រូវ័យ ៥៨ឆ្នាំខាងលើនេះ បញ្ជាក់ទៀតថា លោករីករាយនឹងជួយកម្ពុជាជានិច្ចទាក់ទងទៅនិងការបង្ហាត់បង្រៀនផ្នែកមេគុនបន្ថែម។ លោកនឹងស្វែងយល់ពីក្បាច់ស្នៀតថ្មីៗក៏ដូចជាគន្លឹះល្អៗដែលអាចឈានទៅរកមេដាយនាការប្រកួតដើម្បីទុកចែករំលែកដល់ក្រុមកីឡាករ កីឡាការិនីកម្ពុជា។
រំលឹកដែរថា លោក អ៊ុក តារាចាន់ ជាជនជាតិខ្មែរប៉ុន្តែបានទៅរស់នៅឯប្រទេសអ៊ុយក្រែនជាយូរមកហើយ។ លោកបច្ចុប្បន្នជាគ្រូបង្វឹកតេក្វាន់ដូ ITF លើប្រភេទមេគុននៅទីនោះ៕