រកឃើញក្រុមខ្លាំង League of Legends និង PES 2020 ប្រកួតតំណាងកម្ពុជាហើយ

2019-12-30 01:00:00
កីឡាផ្សេងៗ

2019-12-30 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីធ្វើការប្រកួតអស់រយៈពេល៣ថ្ងៃកន្លងទៅនេះ សហព័ន្ធកីឡាអេឡិចត្រូនិកកម្ពុជាបានរកឃើញហើយក្រុមខ្លាំង League of Legends តំណាងប្រទេសនោះគឺក្រុម Ghost Beta និងជើងខ្លាំង PES កីឡាករ វង្ស រ៉ាវុធ។

Ghost Beta

លោក លន់ សាមឌី អគ្គលេខាធិការសហព័ន្ធខាងលើនេះបានឲ្យដឹងថា ក្រោយពីសហព័ន្ធ E-Sport កម្ពុជាបានចូលជាសមាជិកពេញសិទ្ធរបស់ E-Sport អាស៊ីរួចមកក៏ត្រូវបានការអនុញ្ញាតឲ្យមានការប្រកួតជ្រើសរើសក្រុមតំណាងប្រទេស លើវិញ្ញាសា League of Legends និង PES ដើម្បីចូលរួមប្រកួតជើងឯកអាស៊ី នៅឆ្នាំ ២០២០ ប្រទេសចិន។

កីឡាករ វង្ស រ៉ាវុធ

ដោយឡែកបន្ទាប់ពីធ្វើការប្រកួតជម្រុះអស់រយៈពេល៣ថ្ងៃរួមមកសហព័ន្ធរកឃើញហើយគឺក្រុម Ghost Beta ក្លាយជាជើងឯកលើវិញ្ញាសាជាក្រុម League of Legends និងជើងឯកឯកត្តជនវិញ្ញាសា PES 2020 ១រូបទៀតគឺ វង្ស រ៉ាវុធ។ កីឡាករដែលប្រកួតតំណាងឲ្យកម្ពុជា លើ២វិញ្ញាសាផ្សេងៗគ្នានេះ នឹងត្រូវឆ្លងកាត់វគ្គជម្រុះអន្តរជាតិ១វគ្គទៀតទើបមានសិទ្ធ បានឡើងទៅវគ្គផ្ដាច់ព្រ័ត្រខែមីនា ២០២០ នៅឯប្រទេសចិន។

ទិដ្ឋភាពប្រគល់រង្វាន់

សម្រាប់វិញ្ញាសា League of Legends គឺក្រុម Ghost Beta នឹងត្រូវធ្វើការប្រកួតជម្រុះ Online នៅក្នុងកម្ពុជាបាន ប៉ុន្តែវិញ្ញាសា PES 2020 គឺតម្រូវឲ្យកីឡាករចេញទៅប្រកួតជម្រុះនៅឯប្រទេសថៃ អំឡុងខែមករា ដើមឆ្នាំ ២០២០នេះ។ ក្រុម Ghost Beta គ្រង់ជើងឯកវិញ្ញាសា League of Legends ទទួលបានប្រាក់រង្វាន់ ១លានរៀល ចំណែកកីឡាករ វង្ស រ៉ាវុធ ជាប់លេខ១ វិញ្ញាសា PES 2020 ទទួលបានប្រាក់រង្វាន់ ៨០ម៉ឺនរៀលផងដែរ។ ការប្រកួតកន្លងទៅនេះគឺធ្វើឡើងចាប់ពីថ្ងៃទី២៦-២៨ ខែធ្នូ ២០១៩ នៅឯ MCT Sport៕

អត្ថបទ៖ នួន ស៊ីណា