- 2019-11-28 07:50:08
- កីឡាផ្សេងៗ
វីរកីឡាការិនី កែ ឡេង សម្លឹងឃើញអ្នកស្នងថ្វីដៃបណ្ដើរៗហើយ
- 2019-11-28 07:50:08
- ចំនួនមតិ 0 | ចំនួនចែករំលែក 0
វីរកីឡាការិនី កែ ឡេង សម្លឹងឃើញអ្នកស្នងថ្វីដៃបណ្ដើរៗហើយ
ចន្លោះមិនឃើញ
តាមរយៈការហ្វឹកហាត់ និងចេញទៅប្រកួតជាមួយកន្លងមក ខ្លាចាស់ខាងវិស័យប៉េតង់របស់កម្ពុជា អ្នកស្រី កែ ឡេង សម្លឹងឃើញអ្នកមានសមត្ថភាពល្អបណ្ដើរៗហើយ ដើម្បីជំនួសអ្នកស្រីនៅពេលខាងមុខនេះគឺកីឡាការិនី ស្រៀង សុរ៉ាឃីម។
ម្ចាស់មេដាយមាសប៉េតង់ពិភពលោក៤សម័យ អ្នកស្រី កែ ឡេង បានឲ្យដឹងថា បើសុខភាពនៅរឹងមាំ អំណោយផលនោះគឺអ្នកស្រីអាចនឹងនៅប្រកួតតទៅមុខទៀត ប៉ុន្តែបើសុខភាពមិនអំណោយផងទេ ប្រហែលអាចទៅជាគ្រូបង្វឹកវិញ។
យ៉ាងណាមិញទាក់ទងទៅនិងសមត្ថភាពកីឡាករ កីឡាការិនីជំនាន់ក្រោយខ្លាចាស់ខាងប៉េតង់រូបនេះបញ្ជាក់ថា សៀង សុរ៉ាឃីម គឺមានសមត្ថភាពល្អ មានថ្វីដៃជាងគេ ដោយសារតែបទពិសោធនៅខ្ចី ទាំងការហ្វឹកហាត់ និងការប្រកួតដូច្នេះត្រូវការពេលបន្ថែមទៀតទើបអាចមកកាន់តំណែងរបស់អ្នកស្រីបាន។ ចំពោះការប្រកួតយុវជន និងស្ត្រីពិភពលោកដែលកម្ពុជាធ្វើជាម្ចាស់ផ្ទះនេះ ប៉ុន្តែក្រុមនារី(B) និងក្រុមយុវជន មិនទទួលបានមេដាយអ្វីនោះ គឺដោយសារទាក់ទងទៅនិងបទពិសោធនៅក្មេងខ្ចី ពួកគេនឹងល្អនៅពេលខាងមុខជាមិនខាន តែត្រូវការឆ្លងកាត់ការប្រកួតច្រើនទៀត ទើបអាចប្រមូលអារម្មណ៍បានល្អដូចអ្នកស្រី។
រំលឹកដែរថា វីរកីឡាការិនី កែ ឡេង ជាម្ចាស់មេដាយមាសប៉េតង់ពិភពលោក៤សម័យជាប់ៗគ្នា ដែលមិនទាន់មានកីឡាការិនីជាតិ និងអន្តរជាតិណាធ្វើបានដូចនេះឡើយ។ គិតមកដល់ពេលនេះអ្នកស្រីមានអាយុ៥៧ឆ្នាំហើយ។ ចំពោះកីឡាការិនី សៀង សុរ៉ាឃីម វិញបើទោះជាមិនឈ្នះមេដាយក្នុងព្រឹត្តិការណ៍ប៉េតង់ពិភពលោកដែលកម្ពុជាធ្វើជាម្ចាស់ផ្ទះនេះមែន ប៉ុន្តែយុវតីម្នាក់នេះធ្លាប់ឈ្នះមេដាយកម្រិតអន្តរជាតិប៉ុន្មានគ្រឿងរួចមកហើយកន្លងមកនេះ៕
