- 2019-11-18 02:28:15
- កីឡាផ្សេងៗ
ចូលរួមគាំទ្រអ្នកស្រី កែ ឡេង ប្រកួតការពារមេដាយមាសប៉េតង់ពិភពលោកស្អែកនេះ
- 2019-11-18 02:28:15
- ចំនួនមតិ 0 | ចំនួនចែករំលែក 0
ចូលរួមគាំទ្រអ្នកស្រី កែ ឡេង ប្រកួតការពារមេដាយមាសប៉េតង់ពិភពលោកស្អែកនេះ
ចន្លោះមិនឃើញ
ប្រិយមិត្តអ្នកស្រឡាញ់គាំទ្រវិស័យកីឡាប៉េតង់ អាចអញ្ជើញមកទស្សនាក៏ដូចជាគាំទ្រអត្តពលិកកម្ពុជា ដែលនឹងប្រកួតចាប់ពីពីស្អែកនេះក្នុងព្រឹត្តិការណ៍ជើងឯកប៉េតង់ពិភពលោកយុវជន និងស្ត្រីលើកទី១៧ ដែលមាន៤៩ប្រទេស។
ដូចទៅនិងឯកឧត្តម ស សុខា ប្រធានសហព័ន្ធប៉េតង់ធ្លាប់បានលើកឡើងថា នេះជាលើកទី១ហើយសម្រាប់ប្រទេសកម្ពុជា ដែលអាចរៀបចំការប្រកួតលំដាប់ពិភពលោកមានប្រទេសចូលរួមច្រើនរហូតដល់៤៩ប្រទេសបែបនេះ។ ជាមោទនភាពណាស់ រាប់ឆ្នាំមកហើយដែលកម្ពុជាមិនដែលបានរៀបចំការប្រកួតធំបែបនេះ ដូច្នេះចូលរួមគាំទ្រ និងលើកទឹកចិត្តកីឡាករ កីឡាការិនីកម្ពុជាប្រជែងមេដាយក្នុងព្រឹត្តិការណ៍នេះ។
កាន់តែអស្ចារ្យថែមទៀតនោះ ម្ចាស់មេដាយមាសប៉េតង់ពិភពលោក៣សម័យជាប់ៗគ្នាលើវិញ្ញាសាវ៉ៃស៊ីប(វ៉ៃយកពិន្ទុ) អ្នកស្រី កែ ឡេង ក៏នឹងចូលរួមប្រកួត និងការពារតំណែងផងដែរ តើលើកទី៤នេះវីរកីឡាការិនីរបស់កម្ពុជារូបនេះនៅតែអាចរកបានមេដាយមាសលើវិញ្ញាសានេះបានឬយ៉ាងណា។
ការប្រកួតចាប់ផ្ដើមពីថ្ងៃស្អែកនេះហើយនៅក្នុងពហុកីឡដ្ឋានជាតិ ចំពោះប្រទេសចូលរួមបូកទាំងកម្ពុជាមាន៤៩ប្រទេស ត្រូវនិង៨០ក្រុម។ ចំពោះវិញ្ញាសា និងកម្មវិធីប្រកួតជាក់លាក់នឹងជូនដំណឹងពេលក្រោយ៕
វីដេអូ៖
