- 2019-08-27 07:11:14
- កីឡាផ្សេងៗ
អនុប្រធានសហព័ន្ធសូហ្វតេនីសកម្ពុជា ជឿជាក់លើសមត្ថភាពអត្តពលិករបស់ខ្លួន ក្នុងព្រឹត្តិការណ៍អន្តរជាតិនៅហ្វីលីពីន
- 2019-08-27 07:11:14
- ចំនួនមតិ 0 | ចំនួនចែករំលែក 0
អនុប្រធានសហព័ន្ធសូហ្វតេនីសកម្ពុជា ជឿជាក់លើសមត្ថភាពអត្តពលិករបស់ខ្លួន ក្នុងព្រឹត្តិការណ៍អន្តរជាតិនៅហ្វីលីពីន
ចន្លោះមិនឃើញ
អនុប្រធានសហព័ន្ធស៊ូហ្វតេនីសកម្ពុជា ឯកឧត្ដម ជា ប៊ុនហេង ជឿជាក់លើកីឡាករ កីឡាការិនីរបស់ខ្លួន ថានឹងធ្វើបានល្អនៅក្នុងព្រឹត្តិការណ៍ The 1st Asian University Soft Tennis Championship និង The 1st Asian Junior Soft Tennis Championship 2019 នាប្រទេសហ្វីលីពីន ចុងខែសីហានេះ។
ឯកឧត្ដម លើកឡើងមុនពេលចេញដំណើរយប់មិញនេះថា មិនចង់បញ្ជាក់ថាក្រុមកីឡាករ កីឡាការិនីរបស់សហព័ន្ធដែលបញ្ចូលទៅទាំង២០នាក់នេះ នឹងឈ្នះមេដាយប៉ុណ្ណេះ ឬប៉ុណ្ណោះគ្រឿងនោះទេ ចាំពេលបានចាំនិយាយតែម្ដង ជាក់ស្ដែងដូចកីឡាប៊ូលីសដែលទើបបញ្ចប់នៅចិនអញ្ចឹង។
អនុប្រធានរូបនេះបន្ថែមទៀតថា ប៉ុន្តែកន្លងមកចំពោះកីឡាករ ឬកីឡាការិនីស៊ូហ្វតេនីសរបស់លោកតែងតែធ្វើបានល្អ មិនថាព្រឹត្តិការណ៍កម្រិតអាស៊ី កម្រិតពិភពលោកនោះទេ ពោលអាចរកមេដាយជានិច្ច។ ទន្ទឹមនិងនេះ ក្រុមកីឡាករ កីឡាការិនីដែលត្រូវចូលរួមព្រឹត្តិការខាងលើនេះគឺបានហ្វឹកហាត់បានល្អ ហាត់ត្រៀមរួចរាល់តែម្ដង។
រំលឹកដែរ សហព័ន្ធស៊ូហ្វតេនីសកម្ពុជា បានបញ្ចូលកីឡាករ កីឡាការិនីរបស់ខ្លួនចំនួន២០នាក់ចូលរួមក្នុងព្រឹត្តិការណ៍២ផ្សេងគ្នា The 1st Asian University Soft Tennis Championship និង The 1st Asian Junior Soft Tennis Championship 2019 កាលពីយប់មិញនេះហើយ។ កម្មវិធីនេះនឹងចាប់ផ្ដើមពីថ្ងៃទី២៦ ដល់ ៣១ សីហា ២០១៩៕
