- 2019-08-27 02:19:51
- កីឡាផ្សេងៗ
មោទកភាពកម្ពុជា កីឡាករ ប៉ាល់ ជីវ័ន្ត ឈ្នះមេដាយមាសពិភពលោកតេក្វាន់ដូ
- 2019-08-27 02:19:51
- ចំនួនមតិ 0 | ចំនួនចែករំលែក 0
មោទកភាពកម្ពុជា កីឡាករ ប៉ាល់ ជីវ័ន្ត ឈ្នះមេដាយមាសពិភពលោកតេក្វាន់ដូ
ចន្លោះមិនឃើញ
កីឡាករ ប៉ាល់ ជីវ័ន្ត បានឈ្នះមេដាយមាសពិភពលោកតេក្វាន់ដូហើយកាលពីយប់មិញនេះ ក្នុងការប្រកួត World ITF Taekwon-do Championship នៅប្រទេសប៊ុលហ្គារី។
បើតាមការបង្ហោះរបស់លោក កែវ រ៉េមី ប្រធានសហព័ន្ធកីឡាតេក្វាន់ដូ ITF អាស៊ីអាគ្នេយ៍ និងជាប្រធានសហព័ន្ធកីឡាតេក្វាន់ដូ ITF កម្ពុជា នេះគឺជាលើកដំបូងហើយសម្រាប់កីឡាករកម្ពុជាដែលទទួលបានមេដាយមាសលើប្រភេទកីឡានេះ។ ខណៈដែលអ្នកគាំទ្រនៅកម្ពុជាវិញ ក៏រីករាយជាមួយលទ្ធផលយ៉ាងល្អឥតខ្ចោះនេះដែរ ហើយរំពឹងថានឹងមានកីឡាករ កីឡាការិនីកម្ពុជាបន្តទៀតអាចដណ្ដើមមេដាយបាន។
ការប្រកួត World ITF Taekwon-do Championship នៅប្រទេសប៊ុលហ្គារីចាប់ផ្ដើមពីថ្ងៃ២៤ ដល់ថ្ងៃទី៣០ ខែសីហា ឆ្នាំ២០១៩។ សម្រាប់កម្ពុជាបានបញ្ជូនកីឡាករ កីឡាការិនីទៅចូលរួមប្រកួតនេះចំនួន១៧នាក់ មានស្រី២នាក់។ ប្រទេសចូលរួមប្រកួតមានដល់ទៅ៧៤ប្រទេសឯណោះ៕
ប្រភព៖ សហព័ន្ធតេក្វាន់ដូ ITF
