- 2019-01-11 05:04:25
- កីឡាផ្សេងៗ
នៅចាញ់គេឆ្ងាយ! គិតមកដល់ពេលនេះសំឡេងបោះឆ្នោតឲ្យអ្នកស្រី កែ ឡេង នៅទាប
- 2019-01-11 05:04:25
- ចំនួនមតិ 0 | ចំនួនចែករំលែក 0
នៅចាញ់គេឆ្ងាយ! គិតមកដល់ពេលនេះសំឡេងបោះឆ្នោតឲ្យអ្នកស្រី កែ ឡេង នៅទាប
ចន្លោះមិនឃើញ
កុំភ្លេចចូលរួមបោះឆ្នោតគាំទ្រអ្នកស្រី កែ ឡេង ឲ្យជាប់ក្នុងកម្មវិធីអត្តពលិកឆ្នើមតំណាងឲ្យកីឡាប៉េតង់ពិភពលោក ដែលត្រូវប្រកួតប្រកួតប្រជែងជាមួយអត្តពលិក២៤ប្រភេទកីឡាផ្សេងទៀត។ គិតដល់ពេលនេះសំឡេងបោះឆ្នោតរបស់អ្នកស្រីទើបទទួលបានជាង១៧០០សំឡេង ប៉ុណ្ណោះ វានៅចាញ់ពីប្រភេទកីឡាមួយចំនួនផ្សេងទៀតដែលគេទទួលបានរហូតដល់ជាងម៉ឺនសំឡេងហើយ។
ឯកឧត្ដម ស សុខា បានឲ្យដឹងថា ជារឿងអស្ចារ្យ និងមានកិត្តិយសបំផុតដែលសហព័ន្ធប៉េតង់ពិភពលោកសម្រេចជ្រើសរើសអ្នកស្រី កែ ឡេង របស់កម្ពុជា ដើម្បីតំណាងឲ្យកីឡាមួយនេះឈរឈ្មោះប្រកួតប្រជែងជាមួយ២៤ប្រភេទផ្សេងៗទៀតបែបនេះ។ នេះមោទនភាពខ្លាំងបំផុតដែលកម្ពុជាមានវីរកីឡាការិនីសមត្ថភាពខ្លាំងលំដាប់ពិភពលោក។ តាមរយៈការជ្រើសរើសឲ្យប្រកួតតំណាងបែបនេះហើយ ឯកឧត្ដមសំណូមពរដល់មហាជនទាំងអស់ជួយលើកទឹកចិត្ត និងចូលរួមបោះឆ្នោតទាំងអស់គ្នា ដើម្បីឲ្យអ្នកស្រីបានដណ្ដើមជាអត្តពលិកឆ្នើមពិភពលោកឆ្នាំ២០១៨នេះ។
ការបោះឆ្នោតក្នុងជុំទី១នេះនឹងធ្វើរហូតដល់ថ្ងៃទី១៥ ខែមករា ឆ្នាំ២០១៩ដើម្បីជ្រើសរើសយក១០នាក់ចុងក្រោយបន្តទៅវគ្គទី២ដែលជាជុំផ្តាច់ព្រ័ត្រ ហើយធ្វើការបោះឆ្នោតជាបន្តទៀតសម្រេចប្រកាសអ្នកឈ្នះថ្ងៃទី៣១ ខែដដែលនេះតែម្ដង។ ខាងក្រោមនេះជា Link ណែនាំក្នុងការបោះឆ្នោតជូនអ្នកស្រី កែ ឡេង៕
ចូលរួមបោះឆ្នោតដល់អ្នកស្រី កែ ឡេង សូមចូល៖ The Athlete of the Year 2018
