- 2019-01-10 12:10:20
- កីឡាផ្សេងៗ
កែ ឡេង ជាអត្តពលិកខ្មែរទី១តំណាងប៉េតង់អន្តរជាតិប្រកួតពានអត្តពលិកឆ្នើមអន្តរជាតិ២០១៨
- 2019-01-10 12:10:20
- ចំនួនមតិ 0 | ចំនួនចែករំលែក 0
កែ ឡេង ជាអត្តពលិកខ្មែរទី១តំណាងប៉េតង់អន្តរជាតិប្រកួតពានអត្តពលិកឆ្នើមអន្តរជាតិ២០១៨
ចន្លោះមិនឃើញ
វីរកីឡាការិនីកម្ពុជាអ្នកស្រី កែ ឡេង ត្រូវបានសហព័ន្ធក្រសួងអប់រំ យុវជន និងកីឡាកម្ពុជា ព្រមទាំងសហព័ន្ធកីឡាប៉េតង់អន្តរជាតិជ្រើសរើសយកកីឡាការិនីឆ្នើមផ្នែកកីឡាប៉េតង់អន្តរជាតិដើម្បីចូលរួមប្រកួតពានរង្វាន់អត្តពលិកឆ្នើមប្រចាំឆ្នាំ២០១៨។
ការប្រកាសផ្លូវការនេះត្រូវបានធ្វើឡើងដោយ សហព័ន្ធកីឡាប៉េតង់ និងប៊ូលកម្ពុជា និងក្រសួងអប់រំ យុវជន និងកីឡាកាលពីរសៀលថ្ងៃព្រហស្បតិ៍ទី១០ ខែមករា ឆ្នាំ២០១៩នេះ។ វីរនារី កែ ឡេង បានក្លាយជាកីឡាការិនីប៉េតង់ឆ្នើមបំផុតលំដាប់ពិភពលោក បន្ទាប់ពីបង្ហាញសមត្ថភាពយ៉ាងល្អឥតខ្ចោះតាមរយៈឈ្នះមេដាយមាសពិភពលោកជាបន្តបន្ទាប់ក្នុងរយៈពេលប៉ុន្មានឆ្នាំចុងក្រោយនេះ។ សហព័ន្ធកីឡាប៉េតង់ និងប៊ូលកម្ពុជា និងសហព័ន្ធកីឡាប៉េតង់ និងប៊ូលអន្តរជាតិសម្លឹងមើលឃើញកីឡាការិនី កែ ឡេង តែម្នាក់គត់ដែលសមបំផុតផ្នែកកីឡានេះ។
ក្នុងនាមជាអត្តពលិកឆ្នើមផ្នែកកីឡាប៉េតង់ និងប៊ូលកម្រិតពិភពលោក វីរនារីកម្ពុជា កែ ឡេង ត្រូវតំណាងឲ្យអត្តពលិកប៉េតង់ និងប៊ូលទាំងអស់ទូទាំងពិភពលោកដើម្បីប្រកួតប្រជែងជាមួយអត្តពលិកឆ្នើមកីឡាផ្សេងៗទៀត។
នេះជាមោទនភាពសម្រាប់កម្ពុជាដែលសហព័ន្ធកីឡាប៉េតង់ និងប៊ូលអន្តរជាតិជ្រើសរើសយកអត្តពលិកកម្ពុជាដើម្បីប្រកួតប្រជែងជាមួយកីឡាផ្សេងៗទៀត ហើយនេះជាលើកទី១ដែលកម្ពុជាមានអត្តពលិកឆ្នើមចូលរួមប្រកួតប្រជែង៕
