- 2018-12-25 09:11:29
- កីឡាផ្សេងៗ
កីឡាការិនី លីណា រកជំនាញពិតប្រាកសម្ងំរៀនពេទ្យនៅវៀតណាម
- 2018-12-25 09:11:29
- ចំនួនមតិ 0 | ចំនួនចែករំលែក 0
កីឡាការិនី លីណា រកជំនាញពិតប្រាកសម្ងំរៀនពេទ្យនៅវៀតណាម
ចន្លោះមិនឃើញ
កីឡាការិនីតេក្វាន់ដូជម្រើសជាតិកម្ពុជា ឈឿង លីណា បានកំពុងរៀនពេទ្យជំនាញ «ឱសថការី»នៅប្រទេសវៀតណាមរយៈពេល៣ឆ្នាំកន្លងហើយ បន្ទាប់ពីប្រឡូកក្នុងអាជីពកីឡាបានប៉ុន្មានឆ្នាំកន្លងមក។
លីណា បានប្រាប់ថា មិនអាចចាប់អាជីពកីឡាបានមួយជីវិតឡើយ។ នៅពេលវ័យក្មេង និងកម្លាំងពេញល្អគឺអាចចាប់អាជីពបានល្អ ប៉ុន្តែនៅពេលវ័យកាន់តែច្រើន ក៏ថមថយទៅតាមវ័យដែរ។ កីឡាការិនីកម្ពុជារូបនេះនិយាយថា ៖«ចង់រកគោលដៅមួយឲ្យច្បាស់លាស់ដើម្បីជាទីពឹងអស់មួយជីវិត»។
កីឡាការិនីកម្ពុជាដែលធ្លាប់ចេញទៅប្រកួតនៅព្រឹត្តិការណ៍កីឡាស៊ីហ្គេមកំពុងរៀនជំនាញ«ឳសថការី»នៅសាកលវិទ្យាល័យ NTT ដែលជាសាកលវិទ្យាសាល័យឧសថសាស្ត្រនៃទីក្រុងហូជីមិញ ប្រទេសវៀតណាម។ រហូតពេលកញ្ញារៀនបានរយៈពេល៣ឆ្នាំកន្លះហើយក្នុងរយៈពេល៨ឆ្នាំទើបចប់។
ពាក់ព័ន្ធនឹងកីឡាវិញ ឈឿង លីណា បានប្រាប់ថា ការហ្វឹកហាត់នៅតែបន្ត ប៉ុន្តែនៅខ្មែរមិនដែលហៅឲ្យនាងចូលរួមប្រកួតក្នុងកម្មវិធីអ្វីសោះ ដូច្នេះទើបបានជាពេលខ្លះហ្វឹកហាត់ ហើយពេលខ្លះក៏អត់ដែរ។
ឈឿង លីណា ធ្លាប់តំណាងឲ្យកម្ពុជាចូលរួមប្រកួតក្នុងព្រឹត្តិការណ៍ធំជាច្រើនដូចជាកីឡា និងការប្រកួតក្នុងតំបន់ ព្រមទាំង World Championship (Muju City) ដែលទទួលបានមេដាយជាបន្តបន្ទាប់ដែរ៕
