- 2018-12-09 04:19:37
- កីឡាផ្សេងៗ
ផលិតផលកីឡាកម្រិតខ្ពស់មកពីអាមេរិក កំពុងសម្លឹងរកកីឡាករធ្វើជាទូតសុឆន្ទៈ
- 2018-12-09 04:19:37
- ចំនួនមតិ 0 | ចំនួនចែករំលែក 0
ផលិតផលកីឡាកម្រិតខ្ពស់មកពីអាមេរិក កំពុងសម្លឹងរកកីឡាករធ្វើជាទូតសុឆន្ទៈ
ចន្លោះមិនឃើញ
ក្រុមហ៊ុនលក់ផលិតផលកីឡា Under Armour បានចាប់ផ្ដើមបើកជាផ្លូវការលក់កាលពីម្សិលមិញនៅក្រុងភ្នំពេញក្នុងផ្សារទំនើបអ៊ីអនម៉លទី២ សាខាសែនសុខ។
ក្នុងថ្ងៃបើកសម្ពោធខាងលើលោក Michael Binger ជា CEO របស់ក្រុមហ៊ុន Under Armour បានឲ្យដឹងថា ដើម្បីឆ្លើយតប់ដល់អ្នកចូលចិត្តកីឡានៅកម្ពុជាក្រុមហ៊ុនរបស់លោកកំពុងសម្លឹងរកកីឡាករលំដាប់កំពូលនៅកម្ពុជា ដើម្បីធ្វើជា Brand ambassador របស់ក្រុមហ៊ុន។ លោកបញ្ជាក់ថា មិនទាន់កំណត់ពេលវេលាជាក់លាក់ណាមួយថា នឹងត្រូវរកឲ្យបាននោះទេ។ ប៉ុន្តែគឺចាប់ផ្ដើមបើកសម្លឹងរកមើលចាប់ពីពេលនេះតទៅ។
លោកបន្ថែមថា ក្រុមហ៊ុនខាងលើមានច្រើនខ្លាំងមែនទែននៅលើពិភពលោក និងចាប់ផ្ដើមបង្កើតឡើងអំឡុង២០ឆ្នាំមុន ដោយ៥ឆ្នាំមុនចាប់ផ្ដើមពង្រីកសាខាមកដល់អាស៊ីអាគ្នេយ៍ និងមានប្រហែលជា៥០ ហាងហើយនៅអាស៊ីអាគ្នេយ៍។ ផលិតផលនេះមានកម្រិតខ្ពស់មែនទែនគឺលេខ១នៅលើពិភពលោក។
កាលពីម្សិលមិញនេះដែរក្រុមហ៊ុនខាងលើបានសហការគ្នាជាមួយ The Idea Consultancy បានរៀបចំការប្រកួតកីឡារត់ឆ្លងកាត់ឧបសគ្គចំនួន៨ ដែលបានធ្វើឡើងនៅឯ AISPP ជាសាលាមានផ្ទៃដីទំហំ ៤ហិចតា ជិត ផ្សារទំនើបអ៊ីអនម៉លទី២ សាខាសែនសុខ នៅថ្ងៃសៅរ៍ ទី៨ ខែធ្នូ វេលាម៉ោង៨ ព្រឹកដល់ម៉ោង ១២ ថ្ងៃត្រង់។ ការរៀបចំនេះសហការជាមួយក្រុមហ៊ុន Hiruscar, Fly Phnom Penh, True Money, Rise Fitness, Pepsi, Under Armour, Sabay Media និង Sting។
សម្រាប់ Walmax sports ជាអ្នកលក់ដូរកីឡាដែលទទួលបានសិទ្ធិចែកចាយផ្តាច់មុខសម្រាប់ Under Amour នៅកម្ពុជា។ Walmax Sports បានបើកហាងលក់សំលៀកបំពាក់កីឡា UA ដំបូងគេនៅ ខេត្តសៀមរាបនៅខែកញ្ញាឆ្នាំ២០១៧៕
