- 2018-11-11 01:12:40
- កីឡាផ្សេងៗ
ប្រធានសហព័ន្ធតេក្វាន់ដូ WTF ពិភពលោក សរសើរតេក្វាន់ដូកម្ពុជា
- 2018-11-11 01:12:40
- ចំនួនមតិ 0 | ចំនួនចែករំលែក 0
ប្រធានសហព័ន្ធតេក្វាន់ដូ WTF ពិភពលោក សរសើរតេក្វាន់ដូកម្ពុជា
ចន្លោះមិនឃើញ
ប្រធានសហព័ន្ធតេក្វាន់ដូ WTF ពិភពលោក សរសើរកីឡាករ កីឡាការិនីកម្ពុជា មានភាពរីកចម្រើន នឹងជួយជ្រោមជ្រែងបន្ថែមទៀតទាំងសម្ភារ និងការហ្វឹកហាត់នានា។
លោក គង់ សក្ខិដា អគ្គលេខាធិការសហព័ន្ធតេក្វាន់ដូ WTF បានឲ្យដឹងថា បន្ទាប់ពីការជួបសំណេះសំណាលជាមួយប្រធានគណៈកម្មាធិការជាតិអូឡាំពិកកម្ពុជា និងចូលរួមពិធីបើកការប្រកួតជ្រើសរើសជើងឯកជាតិ ២០១៨ នេះ ប្រធានសហព័ន្ធតេក្វាន់ដូ ពិភពលោក បានកោតសរសើរជាខ្លាំងចំពោះការរីកចម្រើនរបស់កីឡាករ កីឡាការិនីកម្ពុជា។ ដែលការរីកចម្រើននេះ បានធ្វើឲ្យពួកគេបានឈ្នះមេដាយនានាពេលកន្លងមក។
ថ្នាក់កំពូលរបស់ WTF ពិភពលោកនេះ ក៏សន្យាថានឹងជួយកម្ពុជាបន្ថែមទៀតដូចជាសម្ភារសម្រាប់ប្រើប្រាស់ប្រកួត ហ្វឹកហាត់ និងការបញ្ជូនគ្រូ ឬសិស្សទៅហាត់នៅក្រៅប្រទេសផងដែរនាឱកាសក្រោយៗ។ មិនត្រឹមតែប៉ុណ្ណេះទេ សហព័ន្ធតេក្វាន់ដូ WTF ពិភពលោក នឹងបញ្ជូនគ្រូមកពីក្រៅប្រទេសដើម្បីជួយបន្ថែមដល់កម្ពុជា។
បញ្ជាក់ដែរថា ប្រធានសហព័ន្ធតេក្វាន់ដូ WTF ពិភពលោក បានមកដល់កម្ពុជាតាំងពីថ្ងៃទី១១ ខែវិច្ឆិកា ២០១៨ មកម្ល៉េះ ដើម្បីមកពិនិត្យមើលប្រភេទកីឡាមួយនេះ និងទស្សនកិច្ចផងដែរ។ លោកនឹងចាកចេញពីកម្ពុជាស្អែកនេះហើយ បន្ទាប់ពីទៅទស្សនាអង្គរវត្តរួច៕
