ក្រុមខ្លាំង IQ គ្រងជើងឯក Dew Gaming បានប្រាក់២០លានរៀល

2018-10-30 06:32:19
កីឡាផ្សេងៗ

2018-10-30 06:32:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមខ្លាំងប្រចាំកម្ពុជា Intelligence Quotient ដែលហៅកាត់ថា IQ បានគ្រងជើងឯក Dew Gaming Championship 2018 លើវិញ្ញាសា Dota 2 បន្ទាប់ពីព្រឹត្តិការណ៍នេះរៀបចំការប្រកួតអស់រយៈពេលជាច្រើនខែកន្លងមក។

ក្រុម IQ ទទួលបានប្រាក់រង្វាន់២០លានរៀល (រូបថត៖ Shing Long)

តាមការឲ្យដឹងពីគណៈកម្មការរៀបចំការប្រកួតថា ការប្រកួតជើងឯក Dew Gaming Dota 2 Championship 2018 បានប្រព្រឹត្តទៅ៣ដំណាក់កាលគឺដំណាក់កាលទី១ប្រកួតកាលពីខែឧសភា និងដំណាក់កាលទី២ប្រកួតកាលពីខែកញ្ញាដែលមានក្រុមចំនួន៣២ចូលរួមប្រកួត។

បន្ទាប់ពីប្រកួតចប់ទាំង២ដំណាក់កាលមក ក្រុមខ្លាំងចំនួន៨ត្រូវបានរកឃើញដើម្បីឡើងប្រកួតដំណាក់កាលទី៣ដែលជាជុំផ្តាច់ព្រ័ត្រកាលពីថ្ងៃទី២៦ ២៧ និង២៨ ខែតុលា ចុងសប្តាហ៍កន្លងទៅនេះនៅផ្សារទំនើបអ៊ីអ៊ន សែនសុខ។

បន្ទាប់ពីចប់ការប្រកួតក្រុម Intelligence Quotient បានក្លាយជាជើងឯក បន្ទាប់ពីយកឈ្នះក្រុមជើងឯករង The Horde នៅវគ្គផ្តាច់ព្រ័ត្រ។ ក្រុមផ្សេងទៀតដែលមានចំណាត់ថ្នាក់លេខ៣ដល់លេខ៨សុទ្ធតែទទួលបានប្រាក់រង្វាន់លើកទឹកចិត្តទាំងអស់៕

ក្រុមលេខ៣ Glory 5 ទទួលបាននប្រាក់៦លានរៀល (រូបថត៖ Shing Long)

រង្វាន់សម្រាប់ក្រុមទាំង៨មាន

ក្រុមលេខ១៖ Intelligence Quotient ទទួលបាន២០លានរៀល កាតាប Razer Blade ចំនួន៥, Mouse Razer Deathheader ចំនួន៥, កាស Sennheiser GSP 350 ចំនួន៥, Mousepad Dew Gaming ចំនួន៥។
ក្រុមលេខ២៖ The Horde ទទួលបាន១២លានរៀល Mouse Razer Deathheader ចំនួន៥, កាស Sennheiser GSP 350 ចំនួន៥, Mousepad Dew Gaming ចំនួន៥។
ក្រុមលេខ៣៖ Glory 5 ទទួលបាន៦លានរៀល។
ក្រុមលេខ៤៖ Great Seven ទទួលបាន៤លានរៀល។
ក្រុមលេខ៥ និង៦៖ Satainc Cyber និង My Heaven ទទួលបាន៣លានរៀលដូចគ្នា។
ក្រុមលេខ៧ និង៨៖ Long Leg និង The Bling Empire ទទួលបាន២លានរៀលដូចគ្នា។

អត្ថបទ៖ ជាន ចាន់រ៉ា