- 2018-09-05 03:39:28
- កីឡាផ្សេងៗ
ម៉ូតូទឹកឈ្នះមេដាយ២គ្រឿង Asian Games មានសុទ្ធតែអ្នកកំពូលៗមកជួយ
- 2018-09-05 03:39:28
- ចំនួនមតិ 0 | ចំនួនចែករំលែក 0
ម៉ូតូទឹកឈ្នះមេដាយ២គ្រឿង Asian Games មានសុទ្ធតែអ្នកកំពូលៗមកជួយ
ចន្លោះមិនឃើញ
សហព័ន្ធម៉ូតូទឹកកម្ពុជា ការឈ្នះមេដាយ២គ្រឿង ក្នុងព្រឹត្តិការណ៍កីឡាទ្វីបអាស៊ី(Asian Games)កន្លងទៅនេះ គឺដោយសារមានក្រុមការងារខ្លាំងដែលមកជួយ ដូចជាគ្រូបង្វឹកលំដាប់ពិភពលោក ជាងមេកានិចពូកែ រួមនិងចំណុចពិសេសមួយចំនួនទៀត។
ឯកឧត្តម ណុះ ស្លេះ ប្រធានសហព័ន្ធខាងលើប្រាប់ឲ្យដឹងថា ជោគជ័យយ៉ាងធំធេងកាលពីកីឡាទ្វីបអាស៊ីនេះ មិនមែនមានតែកីឡាករម្នាក់ឯងនោះទេ ពោលដោយសារមានសុទ្ធតែអ្នកជំនាញ និងក្រុមការងារប្រហែលជា ៣០នាក់ ជួយជ្រោមជ្រែងគ្នាទាំងអស់។
ប្រធានសហព័ន្ធខាងលើបន្ថែមថា ក្រុមការងារល្អនេះ គឺល្អទាំងក្រុមតែម្ដង មានគ្រូលំដាប់អន្តរជាតិ ដែលពេលខ្លះមានលុយហើយ ក៏មិនអាចជួលមកបានដែរ ប៉ុន្តែគេស្រឡាញ់និងពេញចិត្តជួយកីឡាករកម្ពុជា។ ក្រៅពីនេះមានអ្នកជំនាញទីប្រឹក្សាយោបល់ល្អ មានជាងមេកានិចពូកែ មានអ្នកចាប់ស្គីពូកែ មានកីឡាករលំដាប់ពិភពលោកមកជួយបន្ថែម រួមទាំងមានអ្នកជំនាញខាងចាប់សរសៃយ៉ាងពូកែថែមទៀតផង។ ខណៈកីឡាករកម្ពុជាពីររូបខាងលើមានសមត្ថភាពខ្លាំងផងនោះ ទើបល្អទាំងព្រមបែបនេះទៅ។ ចំណុចសំខាន់ៗទាំងប៉ុន្មានខាងលើនេះហើយ ដែលធ្វើឲ្យម៉ូតូទឹកនេះអាចជោគជ័យខ្លាំងបែបនេះតែម្ដង។
បញ្ជាក់ផងដែរថា សហព័ន្ធកីឡាម៉ូតូទឹកកម្ពុជាបានបញ្ជូនកីឡាករពីររូបចូលរួមព្រឹត្តិការណ៍កីឡាទ្វីបអាស៊ី លើកទី១៨ នៅប្រទេសឥណ្ឌូណេស៊ីដែលទើបតែបញ្ចប់កាលពីថ្ងៃទី២ ខែកញ្ញា ឆ្នាំ២០១៨ ថ្មីៗនេះ។ ដោយឡែកប្រភេទកីឡាខាងលើនេះ ឈ្នះមេដាយចំនួន ២គ្រឿង មាស១ និងសំរឹទ្ធ១៕
វីដេអូ៖
