- 2018-08-30 02:50:08
- កីឡាផ្សេងៗ
គួរឲ្យសរសើរ! បួន ចាន់ ថារ៉ាត់ ធ្វើរឿងឆ្លាតនេះនាំឲ្យឈ្នះមេដាយប្រាក់ពិភពលោក
- 2018-08-30 02:50:08
- ចំនួនមតិ 0 | ចំនួនចែករំលែក 0
គួរឲ្យសរសើរ! បួន ចាន់ ថារ៉ាត់ ធ្វើរឿងឆ្លាតនេះនាំឲ្យឈ្នះមេដាយប្រាក់ពិភពលោក
ចន្លោះមិនឃើញ
កីឡាករតេក្វាន់ដូ ITF បួន ចាន់ ថារ៉ាត់ ធ្វើរឿងនឹកស្មានមិនដល់មួយ មុនពេលទៅប្រកួតព្រឹត្តិការណ៍តេក្វាន់ដូ ITF កម្រិតយុវជន រហូតអាចឈ្នះមេដាយប្រាក់ពិភពលោកកាលពីពេលថ្មីៗនេះនៅប្រទេសបេឡារូស។
ភាពឆ្លាតវៃដែលយុវជនវ័យ ១៥ ឆ្នាំរូបនេះធ្វើគឺ សុំឲ្យជីដូនរបស់ខ្លួនធ្វើសៀងឆាជាមួយសាច់ជ្រូក និងសៀងឆាជាមួយឆៃពៅ យកទៅទុកសម្រាប់បរិភោគក្នុងអំឡុងប្រកួតព្រឹត្តិការណ៍ខាងលើ ព្រោះដឹងខ្លួនថា បញ្ហាអាហារនៅបរទេសពិបាកហូប។
យុវជនរូបនេះបាននិយាយថា « តាមពិតទៅខ្ញុំដឹងមុនទៅហើយថា នៅស្រុកគេបញ្ហាអាហារគឺសំខាន់ ព្រោះយើងជាកីឡាករកាលណាហូបមិនឆ្អែត គ្មានកម្លាំងប្រកួតឡើយ។ ហេតុនេះខ្ញុំនឹកឃើញគំនិតនេះទើបសុំឲ្យលោកយាយរបស់ខ្ញុំ ធ្វើឆាសាច់ជ្រូកយកទៅហូបនៅទីនោះ។ មួយក្រឡដែលលោកយាយធ្វើឲ្យនោះខ្ញុំហូបបានជិត ១០ថ្ងៃដែរបង ដូច្នេះវាល្មមដែលខ្ញុំអាចប្រកួតចប់»។
មែនទែនទៅរូបគេមិនហ៊ានរំពឹងថា អាចធ្វើបានល្អរហូតអាចឈ្នះមេដាយប្រាក់កម្រិតខ្ពស់ខាងលើនេះទេ ពីព្រោះនេះជាលើកទីមួយរបស់ខ្លួនក្នុងការប្រកួតលើឆាកអន្តរជាតិធំៗដូច្នេះ។ ទោះមិនបានមេដាយមាស រូបគេសប្បាយចិត្តចំពោះលទ្ធផលមួយនេះ ហើយតាំងចិត្តថា នឹងស្វែងរកមេដាយមាសមកជូនកម្ពុជាក្នុងព្រឹត្តិការណ៍ពិភពលោកមួយនេះនៅថ្ងៃណាមួយឲ្យបាន។
សូមបញ្ជាក់ថា តេក្វាន់ដូ ITF ទទួលបានមេដាយប្រាក់១គ្រឿង និងសំរឹទ្ធមួយគ្រឿងពីព្រឹត្តិការណ៍ការប្រកួតតេក្វាន់ដូ ITF ពិភពលោកកម្រិតយុវជន ហើយបានត្រឡប់មកដល់ទឹកដីកំណើតកាលពីរសៀលម្សិលមិញ៕
