- 2018-08-30 00:44:00
- កីឡាផ្សេងៗ
សហព័ន្ធម៉ូតូទឹក ប្រាប់មូលហេតុរបូតមេដាយប្រាក់១គ្រឿង ពី Asian Games
- 2018-08-30 00:44:00
- ចំនួនមតិ 0 | ចំនួនចែករំលែក 0
សហព័ន្ធម៉ូតូទឹក ប្រាប់មូលហេតុរបូតមេដាយប្រាក់១គ្រឿង ពី Asian Games
ចន្លោះមិនឃើញ
ប្រធានសហព័ន្ធម៉ូតូទឹកកម្ពុជា បញ្ជាក់ថា ដោយសារតែបញ្ហាម៉ូតូខូច និងជិះច្រឡំពោងផងនោះ ទើបធ្វើឲ្យកីឡាកររបស់ខ្លួនរបូតមេដាយប្រាក់១គ្រឿង ប៉ុន្តែគេបើបូកពិន្ទុឲ្យវិញគឺច្រើនលើសម្ចាស់មេដាយប្រាក់ដែលឈ្នះឥលូវនេះទៅទៀត។
ឯកឧត្ដម ណុះ ស្លេះ បានឲ្យដឹងថា ពិតជារឿងស្ដាយបំផុត ដែលកីឡាករកម្ពុជា ម៉ីន ម៉ូស្តាន មានពិន្ទុច្រើនរហូតអាចឈ្នះមេដាយប្រាក់មួយទៀត ប៉ុន្តែបែរជាមិនបានទៅវិញ ក៏ព្រោះតែការខូចម៉ូតូតាំងពីជុំទី១។ បើទោះជាជុំទី២ ទី៣ និងទី៤ កីឡាករកម្ពុជាធ្វើបានល្អយ៉ាងណាក៏ដោយ ខាងគណៈកម្មការរៀបចំនៅតែមិនបូកពិន្ទុឲ្យដដែល។
ទាក់ទិនទៅនិងការប្រកួតប៉ុន្មានថ្ងៃមុននៅ Asian Games នេះទៀត ប្រធានសហព័ន្ធខាងលើនេះ ប្រាប់ពីរឿងកីឡាករត្រូវកាត់ពិន្ទុដែរថា មិនមែនតែកម្ពុជានោះទេដែលត្រូវកាត់ពិន្ទុនោះ ពោលបណ្ដាប្រទេសផ្សេងៗទៀតក៏ជួបរឿងបែបនេះដែរ។ ដើមចងនៃការកាត់ពិន្ទុនេះទៀតសោត គឺដោយសារកីឡាករមួយចំនួនក៏ដូចជា ម៉ីន ម៉ូស្តាន មើលមិនឃើញពោងដែលជាកន្លែងត្រូវបត់ ព្រោះអីទឹករលកបោកបាំងនៅពេលខ្លះផងដែរ ជាហេតុពេលខ្លះជិះហួស។
រំលឹកដែរថា សហព័ន្ធម៉ូតូទឹកកម្ពុជា បានបញ្ជូនកីឡាកររបស់ខ្លួន២រូប គឺ សាលី អ៊ូម៉ើត និង ម៉ីន ម៉ូស្តាន ទៅចូលរួមប្រកួតក្នុងព្រឹត្តិការណ៍កីឡាទ្វីបអាស៊ី លើកទី១៨ នៅឯប្រទេសឥណ្ឌូណេស៊ី។ ជើងខ្លាំង សាលី អ៊ូម៉ើត ប្រកួតឈ្នះមេដាយ២គ្រឿង គឺ មាស១ និងសំរឹទ្ធ១ ផងដែរក្នុងព្រឹត្តិការណ៍កីឡាទ្វីបអាស៊ីមួយនេះ៕
