- 2018-08-13 08:31:38
- កីឡាផ្សេងៗ
៣ចំណុច ក្លឹបសីដក់ក្រសួងការពារជាតិរបូតមេដាយមាស ជើងឯកជាតិ
- 2018-08-13 08:31:38
- ចំនួនមតិ 0 | ចំនួនចែករំលែក 0
៣ចំណុច ក្លឹបសីដក់ក្រសួងការពារជាតិរបូតមេដាយមាស ជើងឯកជាតិ
ចន្លោះមិនឃើញ
ប្រធានក្លឹបសីដក់ដេអិន ប្រាប់ហេតុផល ៣ចំណុចដែលក្រុមខ្លាំងក្រសួងការពារជាតិ របូតមេដាយមាសនាព្រឹត្តិការណ៍ជើងឯកជាតិឆ្នាំ២០១៨ កាលពីល្ងាចថ្ងៃសុក្រសប្ដាហ៍មុននេះទី១ មិនមានកីឡាករសម្រាប់ដូរ ទី២ វ៉ៃសេវាចេញ និងទី៣ គប់ខូចច្រើន។
លោក ស្រូយ សុវណ្ណារ៉ា ប្រធានក្លឹបសីដក់ដេអិន បានឲ្យដឹងថា បើប្រៀបធៀបពីសមត្ថភាពកូនក្រុមរបស់លោក គឺនៅក្រោមក្រសួងការពារជាតិឆ្ងាយ ព្រោះកីឡាកររបស់លោកជាកីឡាករធម្មតាៗប៉ុណ្ណោះ ខណៈពេលហ្វឹកហាត់ឆ្លៀតការងារនោះទេ។ ចំណែកក្រុមសីដក់ក្រសួងការពារជាតិ ជាក្រុមជម្រើសជាតិ និងបានហ្វឹកហាត់ពេញលេញល្អ។
ប្រធានក្លឹបខាងលើលើកឡើងទៀតថា សីដក់ក៏មិនខុសនិងបាល់ទាត់នោះឡើយ ពោលពេលខ្លះក៏ត្រូវការសំណាងដែរក្នុងការប្រកួត ជាក់ស្ដែងអាចថាជារឿងសំណាងមួយដែរដែលឈ្នះក្រុមខ្លាំងខាងលើ។ ដោយសារតែ ក្រុមក្រសួងការពារជាតិភ្លាត់ស្នៀតខូចសីច្រើនពេក ដូចជាការវ៉ៃសេវាចេញ និងស្មាត់គប់ខូចក៏ច្រើនដែរ ពោលរឹងតែបារម្ភ រឹតតែប្រយ័ត្ន បែរជារឹតតែខូចទៅវិញ។
អ្នកដឹកនាំកីឡាករខាងលើនេះបន្ថែមទៀតថា ការរៀបចំក្រុម រៀបចំដាក់កីឡាករសម្រាប់ប្រកួតនៅសិតនិមួយៗ ជារឿងសំខាន់ និងជាយុទ្ធសាស្ត្ររៀងៗខ្លួន។ ដោយឡែក ក្រុមការពារជាតិមិនសូវមានកីឡាករសម្រាប់ផ្លាស់ប្ដូរ ដូច្នេះកម្លាំងក៏ធ្លាក់ទៅតាមនិងផងដែរ។
រំលឹកដែរថា កម្មវិធីជ្រើសរើសជើងសីដក់ឆ្នាំ២០១៨ នេះធ្វើឡើងចំនួន៥ថ្ងៃ គឺចាប់ពីថ្ងៃទី៦ ដល់ ទី១០ ខែសីហា នៅវិមានពហុកីឡដ្ឋានជាតិ ដែលមានក្លឹបចូលរួម ១៤ក្លឹប សរុបកីឡាករ និងប្រតិភូចំនួន ២៥៨នាក់។ សម្រាប់វគ្គផ្ដាច់ព្រ័ត្របុរស ៣ ទល់ ៣ បានទៅលើក្រុមក្លឹបសីដក់ដេអិន ក្រោយឈ្នះលើក្រសួងការពារជាតិ ២ សិតទល់ ១៕