- 2018-08-06 03:10:55
- កីឡាផ្សេងៗ
ក្លឹបសីដក់ដេអិន កីឡាករចូលរួមប្រកួតថ្នាក់ជាតិឆ្នាំ២០១៨ សុទ្ធតែស្ម័គ្រចិត្ត
- 2018-08-06 03:10:55
- ចំនួនមតិ 0 | ចំនួនចែករំលែក 0
ក្លឹបសីដក់ដេអិន កីឡាករចូលរួមប្រកួតថ្នាក់ជាតិឆ្នាំ២០១៨ សុទ្ធតែស្ម័គ្រចិត្ត
ចន្លោះមិនឃើញ
ក្លឹបសីដក់ដេអិន ចូលរួមប្រកួតជ្រើសរើសជើងឯកថ្នាក់ជាតិឆ្នាំ២០១៨ ប្រើកីឡាករសុទ្ធតែជាសិស្ស-និស្សិត ហើយចូលលេងដោយស្ម័គ្រចិត្ត ដែលព្រឹត្តិការណ៍នេះបើកការប្រកួតកាលពីព្រឹកមិញនៅពហុកីឡដ្ឋានជាតិ។
លោក ស្រូយ សុវណ្ណារ៉ា ប្រធានក្លឹបសីដក់ និងជាគ្រូបង្វឹកក្លឹបសីដក់ដេអិនបានឲ្យថា ក្លឹបរបស់ខ្លួនបង្កើតឡើងក្នុងអំឡុងឆ្នាំ២០១២ ហើយកីឡាករចូលរួមលេង និងហ្វឹកហាត់ភាគគឺសុទ្ធតែស្ម័គ្រចិត្ត។ ក្លឹបមិនបានចំណាយអ្វីទៅលើកីឡាករឡើយ ពោលគឺមិនចំណាយថ្លៃសាំង និងការចំណាយផ្សេងៗ។
លោកបន្ថែមថា បានជាលោកសម្រេចបង្កើតក្លឹបនេះឡើង ហើយចូលរួមរាល់ព្រឹត្តិការណ៍កីឡាជាតិផ្សេងៗ ពីព្រោះចង់ផ្ដល់ឱកាសឲ្យកីឡាករដែលចូលហាត់នៅក្លឹបរបស់ខ្លួនបានបង្ហាញសមត្ថភាពលើកឆាកប្រកួត។ មួយវិញទៀត ចង់បំផុសស្មារតីយុវជនឲ្យងាកមកស្រលាញ់កីឡាមួយនេះ ដើម្បីជួយជំរុញដល់ការអភិវឌ្ឍន៍កីឡាសីដក់របស់កម្ពុជា។
ព្រឹត្តិការណ៍ការប្រកួតសីដក់ជ្រើសរើសជើងឯកថ្នាក់ជាតិឆ្នាំ២០១៨ មានក្លឹបចូលរួមប្រកួតចំនួន ១៤ ក្លឹប ដោយចាប់ផ្ដើមប្រកួតចាប់ពីថ្ងៃទី៦ ដល់ថ្ងៃទី១០ ខែសីហា ឆ្នាំ២០១៨ នៅវិមានដំបូលទូលក្នុងបរិវេណពហុកីឡដ្ឋានជាតិ៕
