- 2017-09-01 03:58:42
- ប្រដាល់
ឡៅ ស៊ីណាត និង ធី ណារិទ្ធ និយាយអ្វីខ្លះពីជ័យជម្នះរបស់គុនខ្មែរនៅស៊ីហ្គេមនេះ?
- 2017-09-01 03:58:42
- ចំនួនមតិ 0 | ចំនួនចែករំលែក 0
ឡៅ ស៊ីណាត និង ធី ណារិទ្ធ និយាយអ្វីខ្លះពីជ័យជម្នះរបស់គុនខ្មែរនៅស៊ីហ្គេមនេះ?
ចន្លោះមិនឃើញ
អតីតកីឡាករជើងខ្លាំងពីររូប រួមមាន ឡៅ ស៊ីណាត ធី ណារិទ្ធ ត្រេកអរគ្មានអ្វីផ្ទឹមពេលដែលក្បាច់គុនខ្មែរឈ្នះមេដាយផ្សេងៗ នៅក្នុងព្រឹត្តិការកីឡាអាស៊ីដែលទើបនិងបញ្ចប់ប៉ុន្មានថ្ងៃនេះ។
លោក ធី ណារិទ្ធ បានឲ្យដឹងកាលពីម្សិលមិញនេះថា ពិតជារំភើបខ្លាំង ជាពិសេសពេលឃើញកីឡាករកម្ពុជាខំប្រឹងហ្វឹកហាត់និងតស៊ូប្រកួតរហូតដល់ឈ្នះមេដាយដូចនេះ។ សម្រាប់ជ័យជម្នះនេះលោកជឿជាក់ថា ប្រទេសដទៃទៀតនឹងបានស្គាល់ពីក្បាច់គុនរបស់ខ្មែរ។
អតីតកីឡាករប្រដាល់គុនខ្មែរ ឡៅ ស៊ីណាត លើកឡើងស្រដៀងនេះដែរថា អារម្មណលោកផ្ទាល់ក៏មិនខុសពីអ្នកនិយមប្រដាល់ផ្សេងៗនៅកម្ពុជានោះទេ គឺសប្បាយរីករាយបំផុតនៅពេលឃើញអ្នកប្រដាល់កម្ពុជាបានឈ្នះមេដាយក្នុងព្រឹត្តិការអន្តរជាតិដូចនេះ។ ទោះជាប្អូនប្រុសលោកមិនបានឈានដល់វគ្គផ្ដាច់ព្រ័ត្រយកមេដាយមាសក៏ដោយ តែលោកនៅតែពេញចិត្តនិងការប្រកួតរបស់ប្អូនប្រុស(ឡៅ ចិត្រា) ហើយនឹងលើកទឹកចិត្តឲ្យខំប្រឹងបន្ថែមទៀត ព្រោះមានឱកាសពេលក្រោយៗច្រើនទៀត។
ការវិលត្រលប់មកវិញរបស់កីឡាករគុនខ្មែរ ៤រូប រួមនិងគណៈប្រតិភូកីឡា ម្សិលមិញនេះគេឃើញមានថ្នាក់ដឹងជាច្រើននាក់មកទទួលស្វាគមន ព្រមទាំងគ្រូបង្វឹកប្រដាល់សេរីជាច្រើនក្នុងនោះក៏មាន ឡៅ ស៊ីណាត និង ធី ណារិទ្ធផងដែរ។ សម្រាប់ប្រភេទកីឡាគុនខ្មែរនៅស៊ីហ្គេមលើកទី២៩នេះ ឈ្នះមេដាយចំនួន៤គ្រឿង ក្នុងនោះមាន មាស១ ប្រាក់១ និងសំរឹទ្ធ២៕
