- 2016-07-02 16:19:15
- វិភាគ
Robson-Kanu៖ "Bale ល្អជាង Messi & Ronaldo”
- 2016-07-02 16:19:15
- ចំនួនមតិ 0 | ចំនួនចែករំលែក 0
Robson-Kanu៖ "Bale ល្អជាង Messi & Ronaldo”
ចន្លោះមិនឃើញ
Hal Robson-Kanu ខ្សែប្រយុទ្ធជម្រើសជាតិវែល ដែលស៊ុតគ្រាប់ទី២ ជួយឲ្យវែល ឈ្នះបែលហ្សិក ៣-១ ឡើងទៅវគ្គ៤ក្រុមចុងក្រោយ ពានរង្វាន់ Euro 2016 កាលពីយប់មិញ យល់ថាមិត្តរួមក្រុមរបស់ខ្លួន Gareth Bale គឺមានទម្រង់លេងល្អជាងកីឡាករកំពូលលើលោក Lionel Messi និង Cristiano Rionaldo ទៅទៀត។
Gareth Bale
ក្រោយជួយឲ្យវែលបំបែកកំណត់ត្រាជាប្រវត្តិសាស្ត្រ ឡើងដល់វគ្គពាក់កណ្ដាលផ្ដាច់ព្រ័ត្រ កីឡាករវ័យ២៧ឆ្នាំ ដែលលេងនៅក្រុម Reading រដូវកាលមុនរូបនេះ បាននិយាយថា៖ "Messi និង Ronaldo ជាកីឡាករលំដាប់កំពូលលើពិភពលោក ប៉ុន្តែក្រុមយើងមានកីឡាករម្នាក់ ល្អជាងនោះទៀត (Bale)”។
វែល នឹងឡើងទៅប៉ះក្រុមព័រទុយហ្គាល់នៅវគ្គបន្ទាប់។ នេះមានន័យថា Bale និង Ronaldo ដែលជាមិត្តរួមក្រុម Real Madrid នឹងប៉ះគ្នាហើយ ដើម្បីកាត់ក្ដីរកក្រុមឡើងទៅវគ្គផ្ដាច់ព្រ័ត្រ។
Robson-Kanu បានបន្ថែមថា៖ "ប្រាកដណាស់ Bale ពិតជាសំខាន់មែនទែនសម្រាប់ក្រុមយើង ហើយវានឹងក្លាយជាការប្រកួតដ៏ធំនៅប្រកួតបន្ទាប់សម្រាប់ពួកគេទាំង២ (Bale និង Ronaldo) ប៉ុន្តែយើងមានកីឡាករជាច្រើនទៀត ដែលលេងបានយ៉ាងល្អកាលប្រកួតកន្លងមក ហើយយើងសង្ឃឹមថា នឹងបានទទួលលទ្ធផលវិជ្ជមានបន្តទៀត”៕
ប្រែសម្រួល៖ វិន ជីវ័ន្ត ប្រភព៖ Goal