- 2016-06-23 16:08:54
- ប្រដាល់
គុនបុរាណខ្មែរ៣ប្រភេទ បញ្ចូលគ្នាបង្កើតជាក្បាច់ថ្មីសម្រាប់កងទ័ព
- 2016-06-23 16:08:54
- ចំនួនមតិ 0 | ចំនួនចែករំលែក 0
គុនបុរាណខ្មែរ៣ប្រភេទ បញ្ចូលគ្នាបង្កើតជាក្បាច់ថ្មីសម្រាប់កងទ័ព
ចន្លោះមិនឃើញ
ក្បាច់គុនល្បុក្កតោ យុទ្ធគុនខម និងកីឡាប្រដាល់ នឹងច្របាច់បញ្ចូលគ្នាដើម្បីបង្កើតជាក្បាច់គុនថ្មីមួយសម្រាប់កងទ័ពហ្វឹកហាត់ជាយុទ្ធសាស្ត្រការពារខ្លួន ក៏ដូចជាប្រទេសជាតិ។
ក្នុងពិធីចុះអនុស្សរណៈរវាងគណៈកម្មាធិការរៀបចំក្បាច់គុននៃកងយោធពលខេមរភូមិន្ទ និងសហព័ន្ធកីឡាគុនល្បុក្កតោ ប្រដាល់ និងយុទ្ធគុនខម លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា ជឿជាក់ថានេះជាជំហានថ្មីមួយទៀតសម្រាប់កម្ពុជាក្នុងការពង្រឹងក្បាច់គុនបុរាណខ្មែរ។ ការច្របាច់បញ្ចូលគ្នារបស់ក្បាច់គុនទាំង៣នេះ នឹងឱ្យកម្ពុជាមានក្បាច់ថ្មីៗជាច្រើនទៀត ដែលសុទ្ធសឹងតែជាក្បាច់គុនដែលបុព្វបុរសខ្មែរ បន្សល់ទុកសម្រាប់កូនចៅយកមកហាត់រៀនបន្ត។
ទន្ទឹមនឹងនេះដែរ ឯកឧត្ដម ហ៊ុន ម៉ាណែត មេបញ្ជាការរងកងទ័ពជើងគោក និងជានាយរងសេនាធិការចម្រុះនៃកងយោធពលខេមរភូមិន្ទ បានបង្ហាញចំណាប់អារម្មណ៍ដែរថា៖ “បច្ចុប្បន្នមានគេចាប់អារម្មណ៍លើល្បុក្កតោច្រើន ហើយបន្ទាប់ពីក្បាច់គុនមួយនេះចូលទៅក្នុងវិស័យទ័ពទៅ នោះវាកាន់តែធ្វើឱ្យគេចាប់អារម្មណ៍ថែមទៀត។ ការដាក់ល្បុក្កតោក្នុងជួរទ័ពនេះ វាគឺជាការចូលរួមចំណែកថែរក្សា និងអភិរក្សកេរដំណែលដូនតាខ្មែរដែលបានបន្សល់ទុកឲ្យយើង”។
ការដាក់ច្របាច់បញ្ចូលក្បាច់គុនទាំង៣ក្នុងជូរទ័ពនេះ នឹងចាប់ផ្ដើមដំណើរការភ្លាម ដោយសហព័ន្ធនឹងចាប់ផ្ដើមបញ្ចូនអ្នកជំនាញទៅបង្ហាត់ផ្ទាល់ដល់គ្រូជំនាញនៅតាមជូរកងទ័ពទូទាំងប្រទេសកម្ពុជា។ ខណៈដែលកងទ័ពទាំងអស់ សុទ្ធតែមានសិទ្ធិហាត់រៀនបាន ៕
អត្ថបទ៖ មុន្នី រម្យ
