- 2016-06-23 13:41:36
- ប្រវត្តិ
Ronaldo បំបែកកំណត់ត្រា២ នៅ Euro យប់មិញ
- 2016-06-23 13:41:36
- ចំនួនមតិ 0 | ចំនួនចែករំលែក 0
Ronaldo បំបែកកំណត់ត្រា២ នៅ Euro យប់មិញ
ចន្លោះមិនឃើញ
Cristiano Ronaldo តារាឆ្នើមក្រុមជម្រើសជាតិព័រទុយហ្គាល់ បានបំបែកកំណត់ត្រាដ៏អស្ចារ្យ២យ៉ាង ក្នុងប្រវត្តិសាស្ត្រ Euro បន្ទាប់ពីស៊ុតបាន២គ្រាប់ ជួយព័រទុយហ្គាល់ ស្មើហុងគ្រី ៣-៣ ឡើងទៅវគ្គ១៦ក្រុមជាបន្តយប់មិញ។
Cristiano Ronaldo ប្រធានក្រុមព័រទុយហ្គាល់
២គ្រាប់របស់ Ronaldo យប់មិញ កើតឡើងនៅនាទី៥០ ដោយស៊ុតវាយកែងយ៉ាងស្អាត ខណៈដែល១គ្រាប់ទៀត តែតគ្រាប់តាមស្មើ ៣-៣ នៅនាទី៦២។
កីឡាករឆ្នើមក្រុម Real Madrid បានជាប់កំណត់ត្រា ក្លាយជាកីឡាករដំបូងគេក្នុងប្រវត្តិសាស្ត្រ ដែលអាចស៊ុតនៅ Euro បាន៤សម័យកាលផ្សេងគ្នា (២០០៤, ២០០៨, ២០១២, ២០១៦)។ CR7 ស៊ុតឲ្យព័រទុយហ្គាល់នៅ Euro គ្រាប់ដំបូង កាលឆ្នាំ២០០៤ ក្នុងការប្រកួត ដែលចាញ់ក្រិក ២-១។ សរុបគ្រាប់បាល់ទាំងអស់ កីឡាករវ័យ៣១ឆ្នាំរូបនេះ ស៊ុតបាន៨គ្រាប់ហើយនៅ Euro និងជា Top Scorer លំដាប់ទី២ ក្នុងប្រវត្តិសាស្ត្រ បន្ទាប់ពី Michel Platini អតីតកីឡាករបារាំង ស៊ុតបានច្រើនជាងគេ ៩គ្រាប់។
អតីតខ្សែបម្រើប្រយុទ្ធក្រុម Manchester United រូបនេះ ក៏បានជាប់កំណត់ត្រា១ទៀត ដោយក្លាយជាកីឡាករលេងបានច្រើនប្រកួតជាងគេ ក្នុងប្រវត្តិសាស្ត្រ Euro ពោលគឺបង្ហាញខ្លួនបានសរុបដល់ទៅ ១៧ប្រកួតហើយ និងលើអតីតមិត្តរួមក្រុម Man Utd អ្នកចាំទី Edwin van der Sar និងអតីតតារាឆ្នើមរបស់បារាំង Lilian Thuram ដែលធ្លាប់លេងបាន ១៦ប្រកួត៕
ប្រែសម្រួល៖ វិន ជីវ័ន្ត ប្រភព៖ Goal | Metro