- 2016-01-08 16:55:50
- ប្រដាល់
តើក្រៅពីអាជីពប្រដាល់ វ៉ន វីវ៉ា មានការងារអ្វីផ្សេងទៀត?
- 2016-01-08 16:55:50
- ចំនួនមតិ 0 | ចំនួនចែករំលែក 0
តើក្រៅពីអាជីពប្រដាល់ វ៉ន វីវ៉ា មានការងារអ្វីផ្សេងទៀត?
ចន្លោះមិនឃើញ
អ្នកនិយមតាមដានកីឡាប្រដាល់កម្ពុជាបានស្គាល់ច្បាស់ហើយកីឡាករ វ៉ន វីវ៉ា ដែលជាជើងខ្លាំងល្បីឈ្មោះប្រចាំប្រទេសកម្ពុជា និងបាត់មុខពីសង្វៀនរយៈពេលដោយសាររបួសបាក់ដៃ ប៉ុន្តែលោកអ្នកមានដឹងអត់ថា ក្រៅពីអាជីពប្រដាល់ កីឡាកររូបនេះមានការងារអ្វីផ្សេងទៀត?
អ្នកជិតស្និទ្ធនឹង វ៉ន វីវ៉ា បានទម្លាយឲ្យដឹងថា ក្រៅពីអាជីពប្រដាល់ ម្ចាស់ខ្សែក្រវាត់ពិភពលោក ISKA វ៉ន វីវ៉ាមានការងារជាមេការនៃក្រុមហ៊ុនលក់សាំងមួយដែលកីឡាកររូបនេះត្រូវត្រួតពិនិត្យមើលរាល់តៃកុងឡានបើកចេញ-ចូលទៅតាមបណ្ដាខេត្តនានា។
ប្រភពដដែលបានឲ្យដឹងទៀតថា ក្រៅពីនេះ វ៉ន វីវ៉ា និងប្រពន្ធកំពុងចង់បើកហាងលក់អ្វីបន្ថែមទៀត ហេតុដូច្នេះហើយទើបបានជា ពួកនាងចង់លក់ដីដែលមានតិចតូចដើម្បីបានដើមទុនសម្រាប់បើកហាង។ ទោះយ៉ាងណា អ្នកទាំងពីរមិនបានឲ្យដឹងថា ចង់បើកហាងលក់អ្វីនោះទេ។
វ៉ន វីវ៉ា ត្រូវបានគេដឹងថា មានដីមួយកន្លែងស្ថិតនៅភូមិក្រាំងធ្នង់ ក្នុងខណ្ឌសែនសុខ រាជធានីភ្នំពេញ និងថែមទាំងមានបន្ទប់ជួលថែមទៀត។ ជាងនេះទៅទៀត វ៉ន វីវ៉ាបានទាំងសរសើរលើ Facebook របស់ខ្លួនថា ចង់លក់ដីដើម្បីយកប្រាក់ទៅប្រកបអាជីពផ្សេង។
ចំណែកអាជីពប្រដាល់វិញ វ៉ន វីវ៉ានៅតែមានអារម្មណ៍ចង់បន្តឡើងប្រកួត ប៉ុន្តែភរិយារបស់លោកគឺ ស៊ន ដាវីន ហាមមិនឲ្យបន្តអាជីពឈឺខ្លួនទៀតទេដោយសាររបួសបាក់ដៃ និងខ្លាចកើតមានបញ្ហាអាក្រក់ទៀត៕
អត្ថបទ៖ ជាន ចាន់រ៉ា
