- 2015-12-30 17:12:36
- ប្រដាល់
ស៊ន ដាវីន ពេញចិត្តនឹង វ៉ន វីវ៉ា សម្តែងជាជាតួកាច
- 2015-12-30 17:12:36
- ចំនួនមតិ 0 | ចំនួនចែករំលែក 0
ស៊ន ដាវីន ពេញចិត្តនឹង វ៉ន វីវ៉ា សម្តែងជាជាតួកាច
ចន្លោះមិនឃើញ
ខ្សែភាពយន្ត«ល្បុក្កតោចម្លែក»ដែលត្រូវបានសម្ពោធកាលពីយប់មិញ អ្នកប្រដាល់ល្បីឈ្មោះ វ៉ន វីវ៉ា បានលេចមុខតែ២ឈុតប៉ុណ្ណោះ ប៉ុន្តែភរិយារបស់គេគឺ ស៊ន ដាវីនបានចាប់អារម្មណ៍ថា ប្តីរបស់នាងសមជាតួកាចខ្លាំងណាស់។
អតីតកីឡាការិនីជម្រើសជាតិកម្ពុជា ស៊ន ដាវីន ដែលបានអមដំណើរ វ៉ន វីវ៉ាក្នុងពិធីសម្ពោធកាលពីយប់មិញនៅរោងភាពយន្ត Major Cineplex by Cellcard បាននិយាយថា វ៉ន វីវ៉ាបានលេចមុខតែ២ឈុតប៉ុណ្ណោះ ប៉ុន្តែមើលទៅរឿងនេះល្អ សើច ហើយមានការវាយតប់បែបបុរាណគឺរឹតតែធ្វើឲ្យអ្នកទស្សនាសប្បាយរីករាយ ខណៈតួសម្តែសុទ្ធតែល្បីៗទាំងអ្នកប្រដាល់ក៏ល្បី។
ស៊ន ដាវីនបាននិយាយថា ៖«និយាយទៅឈុតគាត់(វ៉ន វីវ៉ា)ខ្លីពេកចឹង ដូចជាមិនសូវចាប់អារម្មណ៍ទេ តែមុខគាត់សមជាតួកាច់ណាស់ ខ្ញុំពេញចិត្ត ហើយពិសេសគាត់ជាតួដើររកជើងខ្លាំងដើម្បីប្រយុទ្ធ តែចុងក្រោយត្រូវចាញ់តួរងដដែល»។
ភរិយារបស់អ្នកប្រដាល់ វ៉ន វីវ៉ា រូបនេះបានបន្ថែមថា នាងសប្បាយចិត្តដែលបានឃើញប្តីបានសម្តែងក្នុងខ្សែភាពយន្ត និងជំរុញលើកទឹកចិត្តគាត់ឲ្យប្រឡូកចូលក្នុងវិស័យសិល្បៈឲ្យបានច្រើន។
អត្ថបទ៖ ជាន ចាន់រ៉ា
