ហ៊ុន ច័ន្ទរាជប្រាប់មូលហេតុ សំ ថារ័ត្ន មិនគោះដៃចាញ់ Jeet Toshi នៅ One FC

2015-12-07 17:23:13
ប្រដាល់

2015-12-07 17:23:13
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ហ៊ុន ច័ន្ទរាជ គ្រូបង្ហាត់កីឡាការនី សំ ថារ័ត្ន នៅក្លិប Cambodian Top Team បានបកស្រាយមូលហេតុដែលកូនសិស្សរបស់ខ្លួនមិនព្រមគោះដៃចុះចាញ់កីឡាការិនីឥណ្ឌា Jeet Toshi ក្នុងទឹកទី៣ ដោយសារមិនចង់ឲ្យខ្មែរបាក់មុខនៅកម្មវិធី One FC Championship នៅសាលមហោស្រពកោះពេជ្រកាលពីថ្ងៃសៅរ៍ ទី៥ ខែធ្នូ ឆ្នាំ២០១៥។

សកម្មភាពកីឡាការិនីឥណ្ឌា Jeet Toshiវាយសន្ធប់លើ សំ ថារ័ត្ន ក្នុងទឹកទី៣

លោក ហ៊ុន ច័ន្ទរាជ បានឲ្យដឹងថា ជាការពិតកូនសិស្សរបស់លោកពិតជាទ្រាំទ្រនឹងការវាយសន្ធប់របស់កីឡាការិនីឥណ្ឌាយ៉ាងខ្លាំងក្នុងទឹកទី៣។ ការមិនគោះដៃព្រមចុះចាញ់ដៃគូ ហើយសុខចិត្តទ្រាំរហូតចប់ទឹកទី៣ ដែលធ្វើឲ្យនាងរងរបួសយ៉ាងដំណំ មកពីនាងគិតថាធ្វើវាដើម្បីខ្មែរ មិនព្រមឲ្យខ្មែរចាញ់ និងស៊ូដល់ទីបំផុតសុខចិត្តទ្រាំនឹងការវាយចំៗលើផ្ទៃមុខរបស់គូប្រជែង។

ប្រធានក្លិប Cambodian Top Team បន្តថា មូលហេតុមួយទៀតដែលធ្វើឲ្យអ្នកលេងគុនល្បុក្កតោមិនព្រមចុះចាញ់ទៀតនោះមកពីនាងគិតថារូបនាងប្រហែលជាអាចមានពិន្ទុឈ្នះដៃគូក្រោយចប់ការប្រកួត ពីព្រោះនាងធ្វើបានល្អក្នុងទឹកទី១ និងទី២។ ក្រោយពេលដឹងថាខ្លួនមានពិន្ទុលើសគូប្រកួតចំនួន២ ទឹកធ្វើឲ្យកូនសិស្សស្រីរបស់លោកមានទំនុកចិត្តខ្ពស់ក្នុងការទទួលជ័យជម្នះ ដោយមិនបានដឹងថាខ្លួនចាញ់ទៅវិញ។

ចំណែកបញ្ហាសុខភាពក្រោយចប់ការប្រកួតភ្លាម ចាន់រាជ បានប្រាប់ទៀតថា ថារ័ត្ន ប្រហែលជាព្យាបាលច្រើនសប្ដាហ៍ ដើម្បីបានជាសះស្បើយមកវិញ។ របួសដែលធ្ងន់ធ្ងរបំផុតកើតចំពោះកូនសិស្សរបស់លោកគឺដៃ ដែលរងពីការកៀបឃ្លេពីកីឡាការិនីប្រទេសឥណ្ឌា។ ចំណុចខ្វះខាតរបស់អ្នកគុនចម្រុះកម្ពុជាស្រីរូបនេះគឺកម្លាំង ចាំបាច់ត្រូវបំពេញបន្ថែមដើម្បីអាចឡើងប្រកួតលើកក្រោយៗ បានល្អជាងនេះ៕