- 2015-04-13 15:58:06
- ប្រដាល់
មួយកែងរបស់ វង្ស ណយ ធ្វើឲ្យកីឡាករថៃ Tilek ដេកស្អាតទឹកទី២
- 2015-04-13 15:58:06
- ចំនួនមតិ 0 | ចំនួនចែករំលែក 0
មួយកែងរបស់ វង្ស ណយ ធ្វើឲ្យកីឡាករថៃ Tilek ដេកស្អាតទឹកទី២
ចន្លោះមិនឃើញ
វង្ស ណយ បានប្រើកែងផ្ដួលកីឡាករថៃ Tilek Pithak ឲ្យសន្លប់ធំក្នុងទឹកទី ២ ក្នុងការប្រកួតសន្សំពិន្ទុដណ្ដើមខ្សែក្រវាត់ខារ៉ាបាវដែលមានទឹកប្រាក់ ៥ពាន់ដុល្លារនៅលើសង្វៀនទូរទស្សន៍បាយ័នកាលពីល្ងាចម្សិលមិញនេះ។
ក្នុងទឹកទី ១ កូននាគ វង្ស ណយ និង Tilek ហាក់មិនទាន់ប្រឹងប្រែងក្នុងការប្រកួតដូចគ្នា ព្រោះដើម្បីស្ទាបស្ទង់សមត្ថភាពដូចដែលអ្នកប្រដាល់ដទៃធ្លាប់បានធ្វើកន្លងមក។ តែឈានដល់ទឹកទី ២ Tilek Pithak បានធ្វេសប្រហែសដែលជាឱកាសសម្រាប់អ្នកប្រដាល់កម្ពុជាប្រើមួយកែងធ្វើឲ្យកីឡាករប្រដាល់ថៃរូបនេះ សន្លប់ធំត្រឹមទឹកទី ២។
ជាមួយគ្នានោះអ្នកលេងកណ្ដាប់ដៃ ម៉ឺន សុភា បានបាត់បង់ ៣ ពិន្ទុក្រោមស្នាដៃជើងខ្លាំងកម្ពស់ខ្ពស់ថៃ Rareung Lukchampachai ។ ឆ្លងកាត់ការប្រកួតយ៉ាងស្វិតស្វាញអស់ ៥ ទឹក អាជ្ញាកណ្ដាលបានកាត់សេចក្ដីឲ្យ ម៉ឺន សុភា ចាញ់ Rareung Lukchampachai ដោយពិន្ទុ។
ខាងក្រោមជាវីដេអូ វង្ស ណយ ផ្ដួល Tilek Pithak ក្នុងទឹកទីពីរ ៖
អត្ថបទ៖ ស្រី សុវណ្ណដារ៉ា
