- 2015-04-06 23:19:43
- ប្រដាល់
បឺត ខាំ ឡើងសង្វៀនប៉ះកូរ៉េដើម្បីកំណត់វាសនាជាអ្នកប្រដាល់
- 2015-04-06 23:19:43
- ចំនួនមតិ 0 | ចំនួនចែករំលែក 0
បឺត ខាំ ឡើងសង្វៀនប៉ះកូរ៉េដើម្បីកំណត់វាសនាជាអ្នកប្រដាល់
ចន្លោះមិនឃើញ
អ្នកប្រដាល់ល្បីឈ្មោះ បឺត ខាំ នឹងឡើងសង្វៀនប្រកួតជាមួយអ្នកប្រដាល់មកពីកូរ៉េដើម្បីចង់ដឹងពីជើងរបស់ខ្លួនដែលទើបជាពីរបួសក្នុងព្រឹត្តិការណ៍ K1 នៅលើទឹកដីប្រទេសជប៉ុននាថ្ងៃទី១២ ខែមេសា ឆ្នាំ ២០១៥ ។
បឺត ខាំ បានឲ្យដឹងថា ឡើងសង្វៀនលើកនេះដោយសាចង់ដឹងសមត្ថភាពជើងរបស់ខ្លួនតែប៉ុណ្ណោះក្រោយជាពីរបួសដោយសាដាច់សរសៃពួរជង្គង់ និងខកខានការប្រកួតជាច្រើនខែ។ ថ្ងៃឡើងសង្វៀនជាថ្ងៃដឹងពីអនាគតរបស់គេក្នុងអាជីពជាអ្នកប្រដាល់។ ប្រសិនបើរូបគេអាចទាត់បានដូចពីមុនគេនឹងឡើងសង្វៀននៅស្រុកខ្មែរវិញនាឆ្នាំក្រោយ។
អ្នកប្រដាល់មកពីខេត្តកំពង់ឆ្នាំងបានបន្តទៀតថា ឡើងសង្វៀនវិញនៅថ្ងៃខាងមុខនេះរូបគេនឹងទាត់ឲ្យអស់ពីកម្លាំងកាយដើម្បីឲ្យប្រាកដពីប្រសិទ្ធភាពជើងរបស់គេថាតើដូចដើមឬយ៉ាងណា។ «ខ្ញុំនឹងទាត់ឲ្យបាក់ជើងចោលបង ហើយបើសិនមិនអីខ្ញុំនឹងត្រឡប់មកប្រលូកក្នុងវិស័យប្រដាល់ម្ដងទៀតនៅស្រុកយើង ហើយបើកក្លិបបង្ហាត់ប្រដាល់មួយនៅស្រុកកំណើត»។
សម្រាប់ការប្រកួតនៅប្រទេសជប៉ុនខាងមុខនេះ បឹត ខាំមិនសង្ឃឹមខ្ពស់ទេដោយសាមិនបានហាត់ពេញល្អ ព្រោះជាប់រវល់បង្ហាត់ដល់ក្មេងៗនៅជប៉ុនពីក្បាច់គុនបុរាណខ្មែរ និងអាចហាត់បានត្រឹមរត់ចម្ងាយ១០ទៅ១៥គីឡូម៉ែត្រតែប៉ុណ្ណោះក្នុងមួយថ្ងៃ។ ម្យ៉ាងទៀតរូបគេក៏មិនបានដឹងពីប្រវត្តិនៃការប្រកួតរបស់ដៃគូដែរ។
អ្នកប្រដាល់ដៃរហ័ស បឺត ខាំ បានប្រាប់ទៀតថា ភាពរហ័សក្នុងការគេចនឹងបន្តប្រើ ប៉ុន្តែជំនាញប្រើកណ្ដាប់ដៃអាចនឹងបន្ថយ ពីព្រោះចង់ទាត់ឲ្យបានច្រើនជាងប្រើដៃ។
ក្នុងការប្រកួតព្រឹត្តិការណ៍ K1 នោះមានកីឡាករប្រដាល់ចំនួន១២គូហើយប្រកួតជាប្រភេទសេរីតែហាមមិនឲ្យប្រើជង្គង់ និងកែងទេ។ កីឡាករមកពីបណ្ដាប្រទេសលើពិភពលោកចំនួន ១១ នាក់សុទ្ធសឹងជាម្ចាស់ខ្សែក្រវាត់នៅក្នុងប្រទេសរបស់គេ៕
អត្ថបទ ៖ ស្រី សុវណ្ណដារ៉ា
